جودہ حکمرانوں نے پاکستان کے حالات بد تر کردیے ہیں جبکہ بلوچستان کے حالات بدترین ہو چکے ہیں،نوابزادہ طلال اکبر بگٹی
Posted on March 14, 2013 By Noman Webmaster سٹی نیوز
تحریک تحفظ پاکستان کے سیکریٹری جنرل چوہدری خورشید زمان سے جمہوری وطن پارٹی کے سربراہ نوابزادہ طلال اکبر بگٹی اور قوم پرست رہنماء قادر مگسی کی ملاقات اسلام آباد میں اٹھارہ سیاسی اور مذہبی جماعتوں کی کامیاب آل پارٹیز کانفرنس کروانے پر محسن پاکستان ڈاکٹر عبدالقدیر خان کو مبارک باد جبکہ بلوچستان کو بچانے کیلیے کوئٹہ میں اے پی سی کروانے کی تجویز تفصیلات کے مطابق جمہوری وطن پارٹی کے سربراہ نوابزادہ طلال اکبر بگٹی اور قوم پرست رہنماء قادر مگسی نے تحریک تحفظ پاکستان کے سیکریٹری جنرل چوہدری خورشید زمان سے خصوصی ملاقات کی۔
اسلام آباد میں محسن پاکستان ڈاکٹر عبدالقدیر خان کی سربراہی میں اٹھارہ سیاسی اور مذہبی جماعتوں کی آل پارٹیز کانفرنس منعقد کروانے پر مبارک باد دیتے ہوئے کہا کہ موجودہ حکمرانوں نے پاکستان کے حالات بد تر کردیے ہیں۔
جبکہ بلوچستان کے حالات بدترین ہو چکے ہیں اگر محسن پاکستان بلوچستان کو پاکستان کے ساتھ دیکھنا چاہتے ہیں تو فوری طور بلوچستان میں آل پارٹیز کانفرنس بلائی جائے جس پر چوہدری خورشید زمان نے اس تجویز کی حمات کرتے ہوئے اگلے ماہ کوئٹہ میں اے پی سی منعقد کروانے کی فیصلہ کیا۔
