کراچی (جیوڈیسک) عمرے پر جانے والے زائرین ہوشیار ہوجائیں کیوں کہ غیر رجسٹرڈ ٹریول ایجنٹس کی جانب سے عمرہ زائرین کو جعلی ایئرٹکٹ فروخت کرنے کا انکشاف ہوا ہے۔ کراچی میں مختلف مقامات پر سادہ لوح افراد کو دونوں ہاتھوں سے لوٹنے والوں نے عمرہ زائرین کو بھی نہ بخشا اور جعلی ٹریول ایجنٹس بن کر عمرے کے جعلی ٹکٹ فروخت کرنا شروع کر دیئے۔
گزشتہ ایک ہفتے کے دوران عمرے کی ادائیگی کے لیے سعودی عرب جانے کے خواہشمند عمرہ زائرین کے ایئرٹکٹ جعلی نکلے ہیں اور ایک ہفتے کے دوران مختلف لوگوں کے ساتھ جعلی ٹکٹوں کے 4 واقعات پیش آچکے ہیں۔ دوسری جانب سول ایوی ایشن کے ترجمان کا کہنا ہے کہ عمرہ زائرین سمیت دیگر مسافروں کے ساتھ جعلی سازی کرنے والوں کے خلاف ایف آئی اے کی مدد سے کارروائی کی جائے گی۔
واضح رہے کہ عمرہ زائرین کو ٹکٹ موصول ہونے کے بعد پی این آر کی تصدیق ضروری ہوتی ہے جب کہ جعلی ٹکٹ کی صورت میں جعل سازی کا شکار ہونے والے افراد کو ائیرپورٹ پرمتعین اداروں کی طرف سے تنبیہ کے بعد چھوڑ دیا جاتا ہے۔
کراچی کی دوسری خاتون پولیس ایس ایچ او
ملک بھر کی مارکیٹیں رات 8 بجے بند کرنے کی سمری وزیراعظم کو بھجوا دی، عابد شیرعلی
