کراچی میں ایکسپریس نیوز کی گاڑی پر فائرنگ آزادی اظہار کا گلہ گھونٹنے کے مترادف ہے ، ایم ڈبلیو ایم

Posted on January 18, 2014 By Majid Khan اسلام آباد

اسلام آباد : مجلس وحدت مسلمین پاکستان کے مرکزی ڈپٹی سیکرٹری جنرل علامہ امین شہیدی، ترجمان علامہ سید حسن ظفر نقوی اور دیگر راہنمائوں نے کراچی میٹرک بورڈ کے سامنے ایکسپریس نیوز کی گاڑی پر ہونیوالی فائرنگ کی شدید الفاظ میں مذمت کرتے ہوئے کہا ہے کہ شدت پسندوں کی جانب سے کی جانیوالی یہ سفاکانہ کاروائی آزادی اظہار کا گلہ گھونٹنے کے مترادف ہے۔

ایم ڈبلیو ایم کے مرکزی سیکرٹریٹ اسلام آباد سے جاری ہونیوالے ایک مذمتی بیان میں انہوں نے شدت پسندوں کی فائرنگ سے ایکسپریس نیوز کے ٹیکنیشن ، ڈرائیور اور ایک محافظ کی شہادت پر گہرے دکھ اور صدمے کا اظہار کرتے ہوئے ایکسپریس نیوز کے ذمہ داران ،سٹاف اور شہداء کے لواحقین کے ساتھ دلی ہمدردی کا اظہا کیا ، انہوں نے مطالبہ کیا کہ سفاک قاتلوں کی فوری گرفتاری یقینی بنائی جائے اور انہیں قانوں کے کٹہڑے میں کھڑا کیا جائے ، ایم ڈبلیو ایم کے راہنمائوں کا کہنا تھا کہ شہر قائد میں ایکسپریس نیوز کے سٹاف کے تین اراکین کی شہادت حکومت سندھ، سیکورٹی فورسز اور پولیس و انتظامیہ کی کارکردگی پر سوالیہ نشان ہے ۔شہر میں جاری رینجرز کے ٹارگٹڈپریشن کے باوجود عام شہری تو کجا ، اعلیٰ سرکاری افسران ، اور میڈیا کے افراد کی بھی زندگیاں محفوظ نہیں۔

شہر قائد کا ہر شخص عدم تحفظ کا شکار ہے ، انہوں نے میڈیا سے وابستہ افراد کواس نازک صورتحال میں جان ہتھیلی پر رکھ کر صحافتی خدمات سر انجام دینے پر خراج تحسین پیش کیا اور فائرنگ سے شہید ہونیوالے ایکسپریس نیوز کے اراکین کے درجات کی بلنٔدی اور ان کے سوگوار خانوادگان کے لئے صبر جمیل کی دعا کی۔

by Majid Khan

Nasir Mehmood - Chief Editor at GeoURDU.com

غازی قتل کیس، مشرف کو حاضری سے ایک دن کا استثنیٰ، میڈیکل سرٹیفکیٹ پیش کرنے کا حکم ہمارے سیاستدان اور ان کی تعلیم