لالہ موسی کی خبریں 6.06.2013
Posted on June 7, 2013 By Geo Urdu سٹی نیوز
لالہ موسی(محمد بلال احمد بٹ) جامع مسجد بیت المکرم بہاری کالونی میں نامعلوم چور نے دروازے کے تالے توڑ کر آٹھ ٹوٹیاں چورا لی ا تفصیلات کے مطابق جامع مسجد بیت المکرم میں نامعلوم چور نے مسجد کی آتھ ٹوٹیاں چورا لی اور دروازے کے تالے بھی توڑ دئیے اہلیان بہاری کالونی نے پولیس انتظامیہ سے مطالبہ کیا ہے کہ فی الفور چوروں کو گرفتار کیاجائے اور انہیں کیفر کردار تک پہنچایا جائے مسجد سے پہلے بھی موٹ ر، ٹربائن ، پنکھے وغیرہ چوریاں ہوچکی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بجلی کی لوڈ شیڈنگ سے شہری بے حال اور کاروبار تباہ ہو چکے ہیں
لالہ موسی(محمد بلال احمد بٹ)شدید گرمی میں بجلی کی لوڈ شیڈنگ سے شہری بے حال اور کاروبار تباہ ہو چکے ہیں دیہات میں 20 گھنٹے اور شہروں میں 18 گھنٹے لوڈ شیڈنگ کی جا رہی ہے۔ علاوہ ازیں فیول ایڈ جسٹمنٹ کے نام پر عوام سے سود وصول کرنے کا سلسلہ فورا بند کیا جائے عوامی حلقوں کا مطالبہ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسی نئی حکومت کو اقتدار کی منتقلی صدر آصف علی زرداری کا بہت بڑا کارنامہ ہے ، چوہدری ندیم اصغرکائرہ
لالہ موسی(محمد بلال احمد بٹ)مرکزی راہنما پاکستان پیپلز پارٹی سابق تحصیل ناظم کھاریاں چوہدری ندیم اصغر کائرہ نے ایک بیان میں کہا ہے کہ نئی حکومت کو اقتدار کی منتقلی صدر آصف علی زرداری کا بہت بڑا کارنامہ ہے ایک بیان میں انہوں نے کہا کہ صدر مملکت کی مدبرانہ شخصیت کی وجہ سے ہی آج پیپلز پارٹی کی حکومت نے پانچ سال مکمل کئے اور جمہوری روایات کے تحت ہی نئی حکومت کو اقتدار منتقل کر نا پیپلز پارٹی کی بڑی کامیابی ہے ، انہوں نے کہا کہ نواز شریف پیپلز پارٹی کے اقدامات کی وجہ سے ہی تیسری بار وزیراعظم بن رہیں ہیں نواز شریف کو پیپلز پارٹی کو معترف ہونا چاہیے اگر تیسری بار وزیر اعظم بننے کی شق ختم نہ ہوتی تو صورت حال مختلف ہوتی انہوں نے کہا کہ پیپلز پارٹی کی نیت پر کسی کو شک نہیں ہونا چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اقتدار کے محتاج نہیں ، عوام کی محبتیں ہمارے دلوں میں بستی ہیں،چوہدری ندیم اصغر کائرہ
لالہ موسی (محمد بلال احمد بٹ ) اقتدار کے محتاج نہیں ، عوام کی محبتیں ہمارے دلوں میں بستی ہیں ، کائرہ خاندان نے ہمیشہ حلقہ کے عوام کی خاطر قربانیاں دی ہیں اور بے لوث عوامی خدمت کی ہے۔ ان خیالات کا اظہار سابق تحصیل ناظم چوہدری ندیم اصغر کائرہ نے صحافیوں سے ایک ملاقات کے دوران کیا۔ انہوں نے مزید کہا کہ ہم نے ہمیشہ عوامی مفادات کی سیاست کی ہے ، ہمارے ادوار میں حلقہ میں کروڑوں روپوں کے ترقیاتی منصوبے نہ صرف منظور ہوئے بلکہ انہیں پایہ تکمیل تک پہنچایا گیا ، سروس روڈ کی تعمیر ، سکولوں اور کالجوں کی اپ گریڈیشن ، سوئی گیس کی فراہمی جیسے میگا پراجیکٹس پر کام کر کے حلقہ کے عوام کو بے شمار سہولیات دی گئی ہیں ۔ یہی وجہ ہے کہ حلقہ کے عوام آج بھی ہمارے ساتھ ہیں ، ہمارا عوام الناس کے ساتھ محبت کا رشتہ ہے جوکہ اٹوٹ اور ہمیشہ قائم رہنے والا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چند ماہ قبل غلہ منڈی لالہ موسی میں ہونیوالے تنازعہ کے فریقین ملک سلیم اور خان عبدالمجید بٹ میں صلح ہوگئی
لالہ موسی (محمد بلال احمد بٹ) چند ماہ قبل غلہ منڈی لالہ موسی میں ہون یوالے تنازعہ کے فریقین ملک سلیم اور خان عبدالمجید بٹ میں صلح ہوگئی ۔ صلح کے اکٹھ میں سید نور الحسن شاہ آف کلیوال سیداں ، ملک ناصر علی ، ملک اکبر علی ،ارشد محمود بٹ، ملک شریف ، شیخ وقار علی ، خالد جاوید مٹھو بٹ ، ملک شفیق امجد ، ملک الطاف حسین ، میا امجد ڈنگہ ، شیخ حفیظ اللہ صدیقی ، عبدالپرویز بٹ ، ڈاکٹر آصف محمود و دیگر نے اہم کردار ادا کرتے ہوئے دونوں فریقین میں صلح کروا دی ۔ صلح کا اکٹھ معززین کی قیادت میں عیدگاہ روڈ کمیونٹی سنٹر میں منعقد ہوا ۔ صلح میں معززین علاقہ کی کثیر تعداد نے شرکت کی جن میں یسین بٹ ، پپنی بٹ ، مختار ڈار ، راشد مجید بٹ ، اعجاز بٹ سابق کونسلر ، ملک اورنگزیب ، ملک عمیر ، شیخ امجد ، عبادت یار شرقی ، ذواالفقار خونی چک ، عبدالوحید رائس ڈیلر ، منیر ڈار تاجر غلہ منڈی ، ملک نوید اعوان ، عبدالرزاق بٹ ، ساجد مجید بٹ ، خالد مجید بٹ ، نثار بٹ ، عبدالرفیق بٹ ، شیخ مسعود انور ، حاجی نعیم بٹ ، مٹھو شاہ ، فیضان بٹ ، علی بٹ ، وقار بٹ ، ملک عارفین ، ملک نوید ، پپو بٹ اعظم نگر ، شانی شیخ و دیگر سینکڑوں افراد موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحریک انصاف کے ایم پی اے فرید خان کا قتل قابل مذمت ہے،چوہدری اعجاز احمد آف میانہ چک
لالہ موسی (محمد بلال احمد بٹ)تحریک انصاف کے ایم پی اے فرید خان کا قتل قابل مذمت ہے ، ان کے قاتلوں کو عبرتناک سزادی جائے۔ ان خیالات کا اظہار راہنما تحریک انصاف ، سابق صوبائی وزیر چوہدری اعجاز احمد آف میانہ چک نے صحافیوں سے گفتگو کرتے ہوئے کیا۔ انہوں نے مزید کہا کہ فرید خان نے انتخابات میں شاندار کامیابی حاصل کی تھی اور غریب عوام کے عظیم نمائندے تھے ، انکی عوامی خدمات کو ہمیشہ یاد رکھا جائے گا۔ اس واقع کی جلد از جلد تحقیقات کرواتے ہوئے ملزمان کو فوری گرفتار کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سانحہ منگووال پر دل خون کے آنسو رو رہا ہے،شیخ خالد محمود ایم ڈی الخلیل پیٹرولیم
لالہ موسی(محمد بلال احمد بٹ )شیخ خالد محمود ایم ڈی الخلیل پیٹرولیم لالہ موسی نے منگوال کے قریب حادثے میں بچوں کے جاں بحق ہونے پر گہرے دکھ اور غم کا اظہار کرتے ہوئے کہا کہ واقعہ منگوال پر دلی رنج اور افسوس ہوا،جو معصوم بچے جاں بحق ہوئے اس پر جتنا افسوس کیا جائے کم ہے۔ انہوں نے کہا کہ دل خون کے آنسو رو رہا ہے چند روپے بچانے کی خاطر لوگوں کی زندگیوں کو دائو پر لگادینا انتہائی ظلم ہے۔ انہوں نے کہا کہ اللہ تعالی جاں بحق ہونے والے معصوم بچوں کو جنت الفردوس میں جگہ عطا فرمائے اور ان کے لواحقین کو صبر جمیل عطا فرمائے۔
