راولپنڈی (جیوڈیسک) پاکستان نے زمین سے زمین تک مار کرنے والے بیلسٹک میزائل شاہین ٹو کا کامیاب تجربہ کر لیا، میزائل 1500 کلو میٹر تک ہدف کو نشانہ بنا سکتا ہے۔
آئی ایس پی آر کے مطابق شاہین ٹو بیلسٹک میزائل کا تجربہ بحیرہ عرب میں کیا گیا، اس کا مقصد مسلح افواج کی آپریشنل تیاریوں کو مزید بہتر بنانا ہے، شاہین ٹو میزائل ملکی اسٹریٹیجک ضروریات کو پورا کرنے کی مکمل صلاحیت رکھتا ہے، میزائل تجربے کا ڈائریکٹر جنرل اسٹریجکٹ پلان ڈویژن، کمانڈر آرمی اسٹریٹیجک فورسز کمانڈ نے مشاہدہ کیا۔ چیئرمین نیسکام، متعلقہ سائنسدان اور انجینیئرز بھی اس موقع پر موجود تھے۔
صدر مملکت ڈاکٹر عارف علوی اور وزیراعطم عمران خان نے سائنسدانوں اور انجینئروں کو کامیاب تجربے پر تہنیتی پیغام بھجوائے۔ چیئرمین جوائنٹ چیفس آف سٹاف کمیٹی اور تینوں مسلح افواج کے سربراہان نے بھی مبارکباد دی۔
نیب کا مقصد صرف پکڑ دھکڑ نہیں کیس ثابت کرنا بھی ہے: چیف جسٹس پاکستان
حفیظ شیخ سے اختلافات، سیکریٹری خزانہ یونس ڈھاگا کو عہدے سے ہٹادیا گیا
