پیٹرولیم مصنوعات کی قیمتوں میں اضافہ سے حکمرانوں کی غریب کش پالیسی واضح ہو چکی ہے،روحیل اکبر
Posted on March 2, 2013 By Noman Webmaster سٹی نیوز
تحریک تحفظ پاکستان کے جوائنٹ سیکریٹری اطلاعات روحیل اکبر نے کہا کہ پیٹرولیم مصنوعات کی قیمتوں میں اضافہ سے حکمرانوں کی غریب کش پالیسی واضح ہو چکی ہے اور انہی ٹھگ حکمرانوں کی وجہ سے ملک کے حالات انتہائی خراب ہو چکے ہیں کرپشن کا بازار گرم ہے جبکہ ناامیدی کی شکار بے سہارا عوام حکمرانوں کا پتلی تماشہ دیکھنے پر مجبور ہیں۔
انہیں دو وقت کی روٹی کمانا مشکل سے مشکل تر ہوتا جا رہا ہے اپنے ایک جاری بیان میں انہوں نے کہا کہ امن وعامہ کی صورتحال انتہائی گھمبیر ہوچکی ہے۔ گیس اور بجلی کا بحران شدت اختیار کر تا چلا جارہا ہے جبکہ این آر او کے خالق مشرف کا آنا قانون اور انصاف کیلئے خوش آئندہوگا مگرمشرف ایسے اعلانات کئی بار کر چکے لیکن اپنے مظالم اوران کے حساب کاخوف انہیں بزدلی اور فرارپر مجبور کر دیتا ہے۔
