ممبئی (جیوڈیسک) ہالی ووڈ اسٹار ول اسمتھ نے بالی ووڈ کی خوب رو اداکارہ ایشوریا رائے کے ساتھ فلم میں کام کرنے کی خواہش ظاہر کر دی۔
بھارتی میڈیا رپورٹس کے مطابق ہالی ووڈ کے معروف اداکار ول اسمتھ بھارت میں ہونے والی فلمی کانفرنس میں شرکت کے لیے آئے تھے جہاں کانفرنس کی میزبانی کے فرائض اداکار فرحان اختر نے ادا کیے۔ دوران کانفرنس ول اسمتھ نے میزبان سے بھنگڑے کے کچھ طریقے سیکھے اور پھر منفرد انداز میں بھنگڑا کرکے دکھایا اور کانفرنس میں موجود شائقین کو داد دینے پر مجبور کردیا۔
ول اسمتھ سے بالی ووڈ میں کام کرنے سے متعلق سوال پوچھا گیا تو انہوں نے فوراً ہی کہا کہ اس انڈسٹری میں کام کرنے کے حوالے سے میری فہرست میں سب سے اول کام یہاں کا رقص سیکھنا ہے اور دوسری اہم بات یہ کہ میں ایشوریا رائے کے ساتھ فلم کرنا پسند کروں گا۔
ہالی ووڈ اسٹار نے ایش کے ساتھ کام کرنے کی وجہ بتاتے ہوئے کہا کہ میری اور ایشوریا کی 15 سال قبل ملاقات ہوئی تھی جہاں ہمارے درمیان ایک ساتھ کام کرنے کے حوالے سے گفتگو ہوئی تھی لیکن حقیقی طور پر ایسا ممکن نہیں ہوسکا لیکن اب میں اُن کے ساتھ فلم کرنا ضرور چاہوں گا۔
سونم کپور نے آخری پیغام جاری کر کے ٹوئٹر کو خیرباد کہہ دیا
جنسی ہراسانی کا الزام: کنگنا نے مخالفت پر سونم کو کھری کھری سنا دیں
