کراچی: (مشتاق احمد)حق پرست رکن سندھ اسمبلی سید منظرامام نے کہا ہے کہ اورنگی ٹاؤن میں رہائش پزیر محنت کش نوجوانوں اور خصوصا کھیل کود میں دلچسپی رکھنے والوں کیلئے جدید سہولیات سے آراستہ اسٹیڈیم تعمیر کیا جا رہا ہے اس اسٹیڈیم کی تعمیر سے اورنگی ٹاؤن کے اسپورٹس لورز کو بہترین اور معیاری سہولیات میسر آسکیں گی ان خیا لات کا اظہار انہوں نے ایڈمنسٹریٹر بلدیہ غربی قمر شیخ اور میونسپل کمشنر عمران اسلم کے ہمراہ اورنگی زون میںزیر تعمیر اسٹیڈیم کے کام کا معائینہ کر تے ہوئے کیا۔
orangizon Stadium
اس موقع پرانہوں نے گفتگو کرتے ہوئے کہا کہ اورنگی ٹاؤن جیسی گنجان آبادی میں بین الاقوامی معیار کے اسٹیڈیم کی تعمیر ایک مشکل مرحلہ تھا مگریہاں کے نوجوانوں میں موجود ٹیلنٹ کو ابھارنے کیلئے انڈوراور آؤٹ ڈورگیمز کی سہولیات سے آراستہ اسٹیڈیم کی تعمیرنا گزیرتھی اسٹیڈیم کی تعمیر میں کئی طرح کے مسائل بھی تھے مگر امید ہیکہ کہ ہم سب کی باہمی کوششوں سے ان مسائل پر قابو پا لیا جائے گا اورانشاء اللہ بہت جلد یہاں کے نوجوانوں کو کھیل کود کے بہترین مواقع میسر آئینگے محدود وسائل میں رہتے ہوئے ہم نہ صرف نوجوان نسل کو بہترین کھیل کود کی سہولیات فراہم کریں گے بلکہ ہر علاقے میں انتہائی ذمہ داری کے ساتھ تعمیرو ترقی کا عمل بھی حکمت عملی سے جاری ہے اسموقع پر ایڈمنسٹریٹر نے گفتگوکرتے ہوئے کہا کہ انتظامیہ بلدیہ غربی نوجوانوں میں کھیل کود کی سرگرمیوں کے فروغ کیلئے پارکس اور پلے گراؤنڈ ز کی تعمیر ومرمت پر خصوصی توجہ مرکوز کیئے ہوئے ہے جبکہ نوتعمیر شدہ پارکس اور پلے گراؤنڈ میں سہولیات کی فراہمی کیلئے بھرپور اقدامات کیئے جارہے ہیں اس موقع پر بلدیاتی افسران بھی ہمراہ موجود تھے
لائن آف کنٹرول کے قریب بھارتی فوج کی گولہ باری
شہنشاہ غزل مہدی حسن کے انتقال پر الطاف حسین کا اظہار افسوس
