برطانوی ویب سائیٹ چینج ڈاٹ کام پر اٹھاسی ہزار افراد نے ایک پٹیشن پر دستخط کئے ہیں کہ جس میں کہا گیا ہے کہ ملالہ یوسفزئی کو نوبل انعام دیا جائے جبکہ اقوام متحدہ کے تحت کل ملالہ ڈے منایا جائے گا۔ دنیا بھر سے اٹھاسی ہزار افراد نے چینج نامی ویب سائٹ پر آئن لائن پٹیشن پر دستخط کرکے ملالہ یوسفزئی کو امن کے نوبل انعام کے لئے نامزد کرنے کا مطالبہ کیا ہے۔دوسری طرف اقوام متحدہ نے دس نومبر کو عالمی سطح پر ملالہ کے نام سے منسوب کرتے ہوئے ملالہ ڈے منانے کا اعلان کیا ہے۔ یہ اعلان اقوام متحدہ کے سیکریٹری جنرل بان کی مون نے کیا ہے۔ادھر لندن میں ملالہ کے والد ضیاالدین یوسفزئی نے ایک ویڈیو پیغام میں ان لوگوں کا شکریہ ادا کیا ہے جنہوں نے ملالہ کی حمایت کی۔انہوں نے کہا کہ ملالہ صحت یاب ہورہی ہے وہ اب باآسانی کھڑی ہوسکتی ہے۔
پنجاب میں نئی حکومت پیپلز پارٹی بنائے گی ، منظور وٹو
کراچی: زندگی امن کی بھیک مانگتی رہی، 6 افراد قتل
