بھمبرکی خبریں 22-1-2013
Posted on January 22, 2013 By Zain Webmaster سٹی نیوز
آزاد جموں و کشمیر یونیورسٹی نے B.Com پارٹ فرسٹ میں غلط مارکنگ کروا کے آزاد کشمیر کے طلباء کا مستقبل داؤ پر لگا دیا ، محمد وقار
بھمبر ( ڈسٹرکٹ رپورٹر)آزاد جموں و کشمیر یونیورسٹی نے B.Comپارٹ فرسٹ میں غلط مارکنگ کروا کے آزا دکشمیر کے طلباء کا مستقبل داؤ پر لگا دیا سردار یعقوب خان معاملے کا نوٹس لیتے ہوئے دوبارہ پرچے چیک کروانے کے احکامات صادر فرمائیں تاکہ طلباء اور والدین کے اندر پائی جانے والی بے چینی دور ہو ان خیالات کا اظہار گورنمنٹ پوسٹ گریجوایٹ کالج بھمبر کے طلباء کے نمائندہ وفد جس میں محمد وقار ،احمد حسین ،عمر جمشید،سعد الرحمن ،سفیان بٹ ،احسن فاروق ،محمد شعبان ،مبشر علی شامل تھے کشمیر پریس کلب بھمبر میں صحافیوں سے گفتگو کرتے ہوئے کیا انہوں نے کہا کہ آزادکشمیر بھر کے طلباء کو بی کام پارٹ فرسٹ کے پیپر introduction to business میں انتہائی غیر ذمہ داری کیساتھ مارکنگ کرتے ہوئے فیل کر دیا گیا ہے جس سے طلباء کا مستقبل داؤ پر لگ گیا ہے انہوں نے کہا کہ جو چند طلباء اس پیپر میں پاس ہوئے ہیں انہیں بھی زیادہ سے زیادہ 40 فیصد نمبرات دیئے گئے ہیں جو کہ سراسر زیادتی ہے طلباء نے چانسلر آزاد کشمیر یونیورسٹی سردار یعقوب خان اور وائس چانسلر سے مطالبہ کیا ہے کہ آزاد کشمیر بھر کے طلباء کے پرچے دوبارہ چیک کروائے جائیں اور میرٹ پر طلباء کو نمبرات دیے جائیں تاکہ طلباء کا مستقبل تاریک ہونے سے بچ سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈپٹی کمشنر بھمبر کے احکامات کی روشنی میں نائب تحصیلدار بھمبر نے وارڈ نمبر 2 میں مقامی افراد کی طرف غیر قانونی دیوار بنا کر بند کی گئی
بھمبر ( ڈسٹرکٹ رپورٹر)ڈپٹی کمشنر بھمبر کے احکامات کی روشنی میں نائب تحصیلدار بھمبر نے وارڈ نمبر 2 میں مقامی افراد کی طرف غیر قانونی دیوار بناکر بند کی گئی گلی کو کھلوادیا آبادی میں رہائش پذیر مکینوں کا ڈپٹی کمشنر کو خراج تحسین تفصیلات کیمطابق گزشتہ تقریباً 6 ماہ سے محکمہ امور حیوانات کے قریب سے بازار کی طرف جانے والی گلی کو مقامی با اثر افراد نے غیر قانونی دیوار بنا کر بند کر دیا تھا جس سے اہل محلہ کو شدید پریشانی تھی گزشتہ روز ڈپٹی کمشنر بھمبر چوہدری محمد طیب نے نائب تحصیلدار بھمبر راجہ محمد بوٹا خان کو گلی سے دیوار اکھیڑنے کے احکامات صادر فرمائے جنہوں نے بلدیہ مجسٹریٹ کے ہمراہ موقع پر جا کر دیوار کو گرا دیا اہل محلہ نے ڈپٹی کمشنر بھمبر چوہدری محمد طیب ،اسسٹنٹ کمشنر بھمبر ندیم احمد جنجوعہ اور نائب تحصیلدار بھمبر راجہ محمد بوٹاخان اور ایڈمنسٹریٹر بلدیہ چوہدری ولید اشرف کا شکریہ ادا کرتے ہوئے کہاکہ تمام ذمہ داران نے میرٹ پر فیصلہ کرکے انصاف کو بول بالا کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر میں جشن عید میلاالنبی صلی اللہ علیہ وآلہ وسلم کو شایان شان طریقہ سے منانے کیلئے سول سوسائٹی ،ایڈمنسٹریٹر بلدیہ اور دیگر کی میٹنگ
بھمبر (ڈسٹرکٹ رپورٹر) بھمبر میں جشن عید میلاالنبی صلی اللہ علیہ وآلہ وسلم کو شایان شان طریقہ سے منانے کیلئے آج سول سوسائٹی ،ایڈمنسٹریٹر بلدیہ ، ایڈمنسٹریٹر ضلع کونسل اور ضلعی آفیسران کی اہم میٹنگ ڈپٹی کمشنر آفس میںزیر صدارت ڈپٹی کمشنر چوہدری محمد طیب ہو گی اجلاس میں عید میلاد النبی صلی اللہ علیہ وآلہ وسلم کو شایان شان طریقے سے منانے کیلئے لائحہ عمل ترتیب دیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کشمیر پریس کلب کا ایک تعزیتی اجلاس زیر صدارت راجہ نعیم گل منعقد ہوا
بھمبر (ڈسٹرکٹ رپورٹر) کشمیر پریس کلب کا ایک تعزیتی اجلاس زیر صدارت راجہ نعیم گل منعقد ہوا اجلاس میں وزیر اعظم آزاد کشمیر چوہدری عبدالمجید کے پریس سیکرٹری ظفر مغل کی خالہ کی وفات پر گہرے دکھ وغم کا اظہار کرتے ہوئے مرحومہ کی روح کے ایصال ثواب کیلئے دعائے مغفرت اور ورثاء کیلئے صبر وجمیل کی دعا کی گئی اجلاس میں ناصر شریف بٹ ،طارق محمود ثاقب ،چوہدری خالد حسین ایڈووکیٹ ،ملک شوکت حسین ،عزیز الرحمان ناز ،ڈاکٹر طارق شاکر ،عاطف اکرم ، مرزا ندیم اختر،قاضی انصر زمان ،جہانگیر پاشا،چوہدری سلیم ساگر ، ظہور احمد رضا ،فیصل صغیر شمیم ، عابد ،زبیر ، یاسین تبسم ،شیراز پرویز مشاق ، راجہ وحید مراد ،مرتضیٰ گیلانی ، راجہ حبیب الرحمن،وسیم نذر سمیت دیگر نے شرکت کی۔
