پنجابی تحریک پاکستان دی سنٹرل کمیٹی دا اعلان، طارق محمود جٹالہ چیئر پرسن منتخب
Posted on January 22, 2013 By Noman Webmaster سٹی نیوز
راولپنڈی ( نامہ نگار ) پنجابی تحریک پاکستان دا اجلاس طارق محمود جٹالہ دی صدارت تھانویں ہویا۔ اجلاس وچ پنجابی تحریک پاکستان دے بانی ارشدسلہری، ڈاکٹر سمیع پنجابی، مجاہد بھٹی، نجف شرازی، ساجد پرویز، تسنیم تصدق شریک سن ، ارشد سلہری نے پنجابی تحریک دے مقاصد بارے دسیا، پنجابی تحریک دی تنظیم سازی تے ممبر سازی لئی مشورے کرن توں بعد سنٹرل ورکنگ کمیٹی تشکیل دیتی ، گل بات تے پورے اتفاق نال بورے والا وہاڑی توں خالد جٹ، فصل آباد توں نعیم یعقوب، کراچی توں محمد زوہیب آرائیں تے محمد محسن ل۔
لاہور توں طارق محمود جٹالہ، اسلام آباد توں مجاہد بھٹی تے نجف شیرازی ، راولپنڈی توں ساجد پرویز، ارشد سلہری تے تسنیم تصدق نوں سنٹرل ورکنگ کمیٹی وچ شامل کیتا گیا اے۔
اس گل تے وی اتفاق کیتا گیا کہ سب علاقیاں نوں نمائندگی دیتی جاوے گے تے سارے ضلیاں دیاں کمیٹیاں بنایاں جان گیاں۔ سنٹرل ورکنگ کمیٹی دے چیئر پرسن طارق محمود جٹالہ تے کو چیئر پرسن ارشد سلہری نیں۔اجلاس نوں خطاب کردیاں ارشد سلہری دا آکھنا سی کہ پنجابی تحریک پاکستان جلد لاہور وچ اجلاس منعقد کرے گی جہدے وچ پنجابی تحریک پاکستان دے دستور تے منشور دی منظوری کیتی جاوے گی تے اگے دے پروگرام دا فیصلہ کیتا جاوے گا۔
