وزیر داخلہ رحمان ملک نے کہا ہے کہ حکومت محترمہ بینظیر بھٹو کے قتل کی منصوبہ بندی سے متعلق شواہد موجود ہیں اور اس میں پرویزمشرف کے علاوہ دیگر عناصر بھی ملوث ہیں ۔ حکومت قاتلوں کو کیفر کردار تک پہنچائے گی۔ اسلام آباد میں سندھی ثقافت سے متعلق تقریب سے خطاب کے بعد میڈیا سے بات چیت میں انھوں نے کہا کہ شہید بینظیربھٹو کے قاتلوں کو بے نقاب کیا جائے گا۔ حکومت عدلیہ کا احترام کرتی ہے۔ سندھ کی سیاست پر بات کرتے ہوئے ان کا کہنا تھا کہ شرجیل میمن کا معاملہ صوبائی ہے اس لیئے ان کیلئے اس پر بات کرنا مناسب نہیں ۔ حسین حقانی کے بارے ایک سوال کے جواب میں انہوں ے کہا کہ اگر وہ منصور اعجاز کے معاملے پر تسلی بخش جواب نہ دے سکے تو مزید تحقیقات کی جائیں گی۔
شرجیل میمن کا استعفیٰ المیہ ہے۔ مرزا
ابھی استعفیٰ نہیں دیا، پیشکش کی ہے۔ حسین حقانی
