پاکستان میں جاپان کے سفیر بیروشی اوئی نے کہا ہے کہ جاپانی سرمایہ کار بھارت کی بجائے پاکستان میں سرمایہ کاری کے حوالے سے سنجیدہ منصوبہ بندی کر رہے ہیں کیونکہ بھارت میں ورکرز یونین کے باعث انہیں بہت سی مشکلات کا سامنا ہے۔
تاجروں کے وفد سے ملاقات کے دوران انہوں نے کہا کہ پاکستان میں کاروبار کا ماحول بہت بہتر ہے اور یہاں پر کاروبار کے محفوظ مواقع دستیاب ہیں۔انہوں نے کہاکہ جاپانی سرمایہ کار انفراسٹرکچر ڈیویلپمنٹ اور اکانومی کو بنیادی اہمیت دیتے ہیں۔
سفیرنے کہا کہ پاکستان کے ساتھ دوطرفہ تجارتی روابط میں اضافے کیلئے جاپانی حکومت نے انوسٹمنٹ سیمینار کا انعقاد کیا تھا اورجاپانی تاجر برادری پاکستان میں اپنے شراکت داروں کے ساتھ مل کر کاروبار کو وسعت دینے کی خواہاں ہے۔
انہوں نے کہا کہ بھارت میں مضبوط ورکرز یونین کے ماحول کے باعث جاپانی سرمایہ کاروں کو کاروبار کرنے میں مسائل کا سامنا ہے جس کی وجہ سے وہ پاکستان میں سرمایہ کاری کے بارے میں بھرپورمنصوبہ بندی کر رہے ہیں کیونکہ یہاں پر بین الاقوامی معیار کی ہنرمند افرادی قوت دستیاب ہے اور کاروباری ماحول بھی بھارت کی نسبت سے بہتر ہے۔
ٹیکسٹائل مصنوعات کی برآمدات میں 4.78 فیصد اضافہ
مصر : اعلی عدالتوں کی صدر کے اقدامات کے خلاف ہڑتال
