سپریم کورٹ نے اڈیالہ جیل سے تحویل میں لیے گئے افراد کو آئندہ سماعت پر پیش کرنے کا حکم دیا ہے۔ چیف جسٹس افتخار محمد چوہدری کی سربراہی میں تین رکنی بنچ کو ڈی جی آئی ایس آئی، ڈی جی ایم آئی اور ایڈووکیٹ جنرل کے وکیل راجہ ارشاد نے بتایا کہ تحویل میں لیے گئے افراد کو قانون کے مطابق خیبرپختون خوا حکومت کے حوالے کردیا گیا تھا۔ انہوں نے بتایا کہ تحویل میں لیے جانے والے افراد میں سے چار افراد ہلاک، چار لیڈی ریڈنگ اسپتال میں زیر علاج اور تین پارا چنار کے آپرپشنل ایریا میں ہیں۔ اس موقع پر چیف جسٹس نے حکم دیا کہ آئندہ سماعت پر مفصل رپورٹ کے ساتھ تمام افراد کو پیش کیا جائے۔ جو افراد لاپتہ ہوں گے ان کے حوالے سے وضاحت پیش کی جائے جس کے بعد مقدمے کی مزید سماعت نو فروری تک ملتوی کر دی گئی۔
سپریم کورٹ نے آزادی سے سفر کرنے کا حق وآپس دلا دیا۔ حسین حقانی
ججز تقرری کمیٹی: سات ایڈیشنل ججز کو مستقل کر دیا گیا
