لالہ موسیٰ کی خبریں 12-1-2013
Posted on January 13, 2013 By Zain Webmaster سٹی نیوز
لالہ موسی ٰ: پاکستان تحریک انصاف کے مقامی راہنماؤں کا پبلک سیکرٹریٹ میانہ چک پر میاں محمد افضل حیات کی قیادت میں باہمی اتفاق و اتحاد کا اعلان
لالہ موسیٰ(محمد بلال احمد بٹ) پاکستان تحریک انصاف کے مقامی راہنمائوں کا پبلک سیکرٹریٹ میانہ چک پر میاں محمد افضل حیات کی قیادت میں باہمی اتفاق و اتحاد کا اعلان ، تفصیلات کے مطابق گذشتہ روز پبلک سیکرٹریٹ میانہ چک لالہ موسیٰ پر سابق صوبائی وزیر چوہدری اعجاز احمد کے ڈیرہ پر میاں محمد افضل حیات سابق نگران وزیراعلیٰ پنجاب ، چوہدری ساجد یوسف چھنی اور چوہدری سجاد اصغر آف کلیوال سیداں کا اکْٹھ ہوا،تمام راہنماؤں نے میاں محمد افضل حیات کی قیادت میں اپنے اتحاد و اتفاق کا مظاہرہ کیا اور کہا کہ ہمارے درمیان کوئی اختلافات نہیں اور نہ ہی کسی قسم کی جنگ ہے راہنمائوں نے کہا کہ ہم پاکستان تحریک انصاف کے لیے اپنے اپنے محاذ پر رابطہ مہم جاری رکھے ہوئے ہیں میاں محمد افضل حیات چوہدری اعجاز احمد آف میانہ چک ، چوہدری ساجد یوسف چھنی اور چوہدری سجاد احمد آف کلیوال سیداں نے اپنے مشترکہ بیان میں کہا کہ عمران خان کی قیادت میں پاکستان تحریک انصاف حلقہ این اے106اور حلقہ پی پی112میں مقبول پارٹی بنتی جا رہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ : محمد ایوب بٹ کی والدہ کی وفات پر مہر غفار ، محمد منشاء بٹ ، محمد عظیم بٹ و دیگر کا اظہار افسوس
لالہ موسیٰ (محمد بلال احمد بٹ) چیف ایڈیٹر روزنامہ گردش ایام گجرات کے چیف ایڈیٹر محمد ایوب بٹ کی والدہ کی وفات پر سرپرست لالہ موسیٰ پریس کلب مہر غفار احمد،چیئر مین محمد منشاء بٹ،سینئر صحافی محمد عظیم بٹ اور ڈاکٹر اعجاز نے رنج اور افسوس کا اظہار کیا ہے،انہوں نے جلالپور محلہ کھوکھراں میں محمد ایوب بٹ کی رہائش گاہ جا کر فاتحہ خوانی کی اور اظہار تعزیت کیا ، دریں اثناء لالہ موسیٰ پریس کلب لالہ موسیٰ کا تعزیتی اجلاس دفتر ٹی ایم اے نان ہیڈکوارٹر لالہ موسیٰ میں ہوا جس میں صدر راناتنویر صدیقی جنرل سیکرٹری خالدمجید بٹ،عطاء اللہ چیمہ،محمد نعیم رانا،رائو محمد ندیم،مجاہد نوری،رائو محمد رفیق،ڈاکٹر شیخ محمد ارشد،ندیم اللہ بٹ،راجہ شہزاد ، غضنفر علی ،رائو رفیق ،حمید مغل کے علاوہ دیگر افراد نے شرکت اور محمد ایوب بٹ سے والدہ کی وفات پر اظہار تعزیت کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ : چیف ایڈیٹر گردش ایام محمد ایوب بٹ کی والدہ کی وفات پر صحافیوں کا تعزیتی اجلاس
لالہ موسیٰ(محمد بلال احمد بٹ)بیورو آفس لالہ موسیٰ میں چیف ایڈیٹر گردش ایام محمد ایوب بٹ کی والدہ کی وفات پر تعزیتی اجلاس ، اجلاس میں ریذیڈنٹ ایڈیٹر محمدمنشابٹ،بیوروچیف گردش ایام و ریذیڈنٹ ایڈیٹرڈیلی جلا وطن خالد مجید بٹ،کرائم رپورٹر ندیم اللہ بٹ،سٹی رپورٹر عابد بٹ،ذیشان عرف شانی شیخ،ایڈیٹر گجرات لنک و چیف ایڈیٹر ڈیلی جلا وطن محمد بلال احمد بٹ و دیگر نے شرکت کی اجلاس میں چیف ایڈیٹر گردش ایام محمد ایوب بٹ کی والدہ کی وفات پر رنج و غم کااظہار اور دعا کی گئی کہ اللہ تعالیٰ مرحومہ کو جنت الفردوس میں جگہ عطا فرمائیں اور لواحقین کو صبر و جمیل عطا فرمائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسی ٰ: شہر میں مردہ جانوروں کے گوشت کی فروخت انتظامیہ کے لیے کھلا چیلنج ہے ، جمشید عرف ٹونی بٹ
لالہ موسیٰ(منشاء بٹ) شہر میں مردہ جانوروں کے گوشت کی فروخت انتظامیہ کے لیے کھلا چیلنج ہے ، ان خیالات کا اظہار و رہنما مسلم لیگ ن جمشید عرف ٹونی بٹ نے کیا ، انہوں نے مزید کہا کہ مردہ جانوروں کا گوشت فروخت کرنے والے قیمتی انسانی جانوں کے ساتھ ظلم کر رہے ہیں ، انہوں نے انتظامیہ سے پر زور مطالبہ کرتے ہوئے کہا کہ ایسے شرپسند قصابوں کے خلاف سخت سے سخت ایکشن لے تا کہ آئندہ کوئی بھی ایسی گھنائونی حرکت نہ کر سکے ، انہوں نے ڈی سی او گجرات سے پر زور اپیل کی ہے کہ شہر میں مردہ جانوروں کے گوشت کی فروخت کو روکنے کیلئے ہنگامی بنیاد پر ایکشن لے تاکہ قیمتی جانوں کو بچایا جا سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:چوہدری نصر اقبال آف سکھ چیناں کا قائد میاں نواز شریف کے بھائی عباس شریف کی وفات پر دلی اظہار تعزیت
لالہ موسیٰ(محمد بلال احمد بٹ)رہنما مسلم لیگ ن حلقہ این اے 106 چوہدری نصر اقبال آف سکھ چیناں کا قائد میاں نواز شریف کے بھائی عباس شریف کی وفات پر دلی اظہار تعزیت،اس موقع پر رہنما مسلم لیگ ن چوہدری نصر اقبال آف سکھ چیناں نے اپنے تعزیتی بیان میں مسلم لیگ ن چوہدری نصر اقبال آف سکھ چیناں نے اپنے تعزیتی بیان میں کہا کہ غم اور رنج کی ان گھڑیوں میں ہم اپنے قائد میاں نواز شریف کے ساتھ برابر کے شریک ہیں اور انہوں نے دعا کی کہ اللہ تعالیٰ مرحوم کو جنت الفردوس میں جگہ عطا فرمائے اور لواحقین کو صبر و جمیل عطا فرمائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسی ٰ: چوہدری زبیر انور کا یاسر نذیر بائولی کے والد کی وفات پر دلی اظہار تعزیت
لالہ موسیٰ(محمد بلال احمد بٹ)رہنماء مسلم ن چوہدری زبیر انور کا یاسر نذیر بائولی کے والد کی وفات پر دلی اظہار تعزیت، اس موقع پر انہوں نے اپنے تعزیتی بیان میں کہا کہ ہم دکھ اور رنج کی ان گھڑیوں میں یاسر نذیر بائولی کے ساتھ برابر کے شریک ہے اور دعا کی کہ اللہ تعالیٰ مرحوم کو جنت الفردوس میں جگہ عطا فرمائے اور لواحقین کو صبروجمیل عطا فرمائے۔
