لاہور طیارے حادثے میں جاں بحق ہونے والی انسٹرکٹر خاتون پائلٹ انیتا قریشی اور معاون پائلٹ وقار آصف کی میتیں لاہور سے کراچی پہنچا دی گئیں۔ انیتا کی تدفین حیدر آباد اور وقار کی تدفین کراچی میں ہو گی۔
گزشتہ روز لاہور میں پرواز کے دوران تربیتی طیارہ گرنے کے باعث انیتا اور معاون پائلٹ وقار آصف جاں بحق ہو گئے تھے جن کی میتیں ورثا پوسٹ مارٹم کے بعد لاہور سے کراچی لائے، چوبیس سالہ انیتا قریشی ہائبرڈ ایوی ایشن فلائنگ کلب میں انسٹرکٹر کے طور پر کام کرتی تھیں۔
انتیا کی میت کراچی پہنچنے کے بعد بذریعہ ایمبولینس حیدرآباد روانہ کر دی گئی ہے جہاں بعد نماز جمعہ ان کی تدفین کی جائے گی۔ حادثے میں جاں بحق معاون پائلٹ وقار آصف کی تدفین کراچی کے بھٹائی آباد قبرستان میں کی جائے گی۔
کراچی : ٹارگٹ کلنگ اور فائرنگ کے مختلف واقعات میں پانچ ہلاک
سینٹ انتخابات : امیدواروں کی حتمی فہرست آج جاری کی جائے گی
