وفاقی وزیر قانون مولا بخش چانڈیو نے کہا ہے کہ ایم کیو ایم کی جانب سے سندھ کی تقسیم کی بات نہیں کی جائے گی کیونکہ ایسی بات کرکے انہوں نے جو حاصل کیا ہے وہ اسے گنوانا نہیں چاہیں گے۔ حیدرآباد میں میڈیا سے گفتگو کرتے ہوئے انہوں نے کہا کہ پارلیمنٹ کے معاملات عدالت میں لے جانے کا حامی نہیں ہوں، پارلیمنٹ ملک کا اہم ادارہ ہے جس کا احترام انتہائی ضروری ہے. انہوں نے کہا کہ وہ ذاتی حیثیت میں پرویز مشرف کو بینظیر بھٹو کا قاتل سمجھتے ہیں کیونکہ بینظیر بھٹو کو سیکورٹی فراہم کرنا ان کی ذمہ داری تھی جو انہوں نے ادا نہیں کی۔ مولا بخش چانڈیو کا کہنا تھا کہ میمو کے معاملے پر کمیشن فیصلہ نہیں دے گا بلکہ حقائق سامنے لائے گا پارلیمنٹ کی کمیٹی اس معاملے کو ہر جانب سے دیکھہ رہی ہے، انہوں نے کہا کہ ایم کیو ایم نے خود تسلیم کیا ہے کہ وہ سندھی ہیں، ایم کیو ایم ملک بھر میں سیاست کرنا چاہتی ہے، ایم کیو ایم کی جانب سے سندھ کی تقسیم کا مطالبہ سامنے نہیں آئے گا کیونکہ ایسا مطالبہ کرکے انہوں نے جو حاصل کیا ہے وہ اسے گنوانا نہیں چاہیں گے۔ انہوں نے ایک سوال پر کہا کہ حکومت نے عدلیہ کی جانب سے دیئے گئے تمام فیصلوں پر عمل کیا ماسوائے ایک کے۔
ایف آئی اے سے تین فرانزک ماہرین فارغ
پارلیمانی سیکرٹری عظیم دولتانہ ٹریفک میں جاں بحق
