ملک بھر میں ہونے والی حالیہ بارشوں کی وجہ سے پنجاب کی صنعتوں کو گیس لوڈشیڈنگ میں مزید ایک ہفتے کا اضافہ کر دیا گیا ہے جس کے بعد اب 10 فروری کے بعد گیس بحال ہونے کا امکان ہے۔
سوئی ناردرن کے مطابق سردی بڑھنے سے گیس کا استعمال بھی بڑھ گیا ہے جس کی وجہ سے رواں ہفتے صنعتوں کو گیس بحال ہونے کا کوئی امکان نہیں۔ پنجاب میں صنعتوں کو مسلسل دو ماہ سے گیس کی سپلائی بند ہے۔
سوئی ناردرن حکام کا کہنا ہے کہ آئندہ ہفتے سے دو روز کے لئے گیس بحال کرنے کا شیڈول تیار کیا گیا ہیتاہم اس کا انحصاربھی موسم کی بہتری سے ہوگا۔ دوسری جانب صنعتی شعبوں کی تنظیموں نے گیس کی طویل بندش کو غیر منصفانہ قرار دیا ہے اور حکومت سے صنعتوں کو گیس کی فوری بحالی کا مطالبہ کیا ہے۔
زندہ مرغی اور اس کے گوشت کی قیمت بڑھ گئی
توانائی بحران، حکومتی پالیسیاں، چاول کی برآمد کا ہدف پورا نہ ہوسکا
