پودے انسان کے خاموش دوست ہیں لہذا ان کی حفاظت کی جائے کیونکہ پودے آلودگی کا خاتمہ کر کے صحت مند ماحول فراہم کرتے ہیں ۔ محمد سمیع خان
Posted on December 3, 2012 By Geo Urdu کراچی
کراچی: ایڈمنسٹریٹر / چیف آفیسر کورنگی ٹاؤن محمد سمیع خان نے 14000 روڈ پر ایلس ٹونیا کاپودا لگا کر شجر کاری مہم کا افتتاح کیا اس موقع پر ان کے ہمراہ ڈپٹی ٹاؤن آفیسر بی اینڈ آر اختر خان خٹک ،ڈپٹی ٹاؤن آفیسر پارکس تنویر احمد،پبلک ریلیشن آفیسر محمد عامر اور دیگر محکمہ جاتی افسران بھی موجود تھے شجر کاری مہم کے دوران کورنگی ٹاؤن میں 10,000 ایلس ٹونیا کے نئے پودے مختلف مقامات پر لگائے جائیں گے اس موقع پرایڈمنسٹریٹر / چیف آفیسر کورنگی ٹاؤن محمد سمیع خان نے کہا کہ پودے انسان کے خاموش دوست ہیں لہذا ان کی حفاظت کی جائے کیونکہ پودے آلودگی کا خا تمہ کرکے صحت مندماحول فراہم کرتے ہیں۔
انہوں نے مزیدکہا کہ آلودگی سے پاک ماحول کے ذریعے ہی صحت مند معاشرے کے قیام کوممکن بنا یا جاسکتا ہے آلودگی کے خلاف ہم سب کو مل کر جدوجہد کرنی ہوگی قدرتی ماحول کو آلودہ ہونے سے بچانے کیلئے زیادہ سے زیادہ درخت لگائے جائیں تاکہ صحت مند اور آلودگی سے پاک ماحول میسر آسکے شجر کاری مہم کے ذریعے جہاں ایک طرف لوگوں کو ان درختوںکاسایہ ملے گا وہاں دوسری طرف ماحولیاتی آلودگی سے پاک معاشرے کے قیام میں مدد ملے گی سبز وشاداب آبادیاں نگاہ کو اچھی لگتی ہیں اور خوشگوار ماحول پیدا کرتی ہیں انہوںنے مزید کہا کہ سر سبز و شاداب ماحول ماحولیاتی آلودگی کے خاتمے میں مثبت کردار ادا کرنے کے ساتھ ساتھ انسانی صحت کا بھی ضامن ہے عوام کو پر فضا اور سر سبز شاداب ماحول کی فراہمی کو یقینی بنانے کے لئے بھر پور اقدامات اٹھا رہے ہیں۔
ایڈمنسٹریٹر / چیف آفیسر کورنگی ٹاؤن محمد سمیع خان نے کہا کہ ٹائون کو صاف ستھرا او ردیگر ٹائون سے منفرد بنانے کے لئے تمام تر وسائل بروئے کار لائے جا رہے ہیں تاہم ماحول کو صاف ستھرا رکھنے کے لئے عوام کو بھی اپنا کردار اداکرنا ہوگا۔
کراچی ، ہوٹل پر فائرنگ سے پانچ افراد زخمی ، تین ملزم گرفتار
