متحدہ قومی مومنٹ کے رکن اسمبلی اور وفاقی وزیر بابرغوری نے کہا ہے کہ ہم پیپلز پارٹی کے اہم اتحادی اور اچھے برے وقت کے ساتھی ہیں ۔ اسلام اباد میں ذرائع سے بات کرتے ہوئے وفاقی وزیربابر غوری کا کہنا تھا ایم کیو ایم نے وزیراعظم یوسف رضا گیلانی سے خدشات کا اظہارکیا ہے اوریہ صاف ہونا چاہیے کہ پیپلز پارٹی ایم کیو ایم کے ساتھ ہے کہ نہیں۔ ان کا مزید کہنا تھا کہ جب صدرکے لئے نازیبا الفاظ استعمال کئے گئے تو ایم کیو ایم نے پیپلز پارٹی کا ساتھ دیتے ہوئے کراچی میں ریلی نکال دی لیکن پیپلز پارٹی کیا اقدامات کررہی ہے۔ انھوں نے یہ بھی کہا کہ ایم کیو ایم کے وزراپرجب الزامات لگائے جائیں گے تو ساتھ کیسے چلا جا سکتا ہے۔ بابرغوری نے کہاکہ رابطہ کمیٹی کا اجلاس جاری ہیاورصدرسے امید ہے کہ وہ ایم کیو ایم کے تمام خدشات دورکریں گے۔
سپریم کورٹ کے چار نئے ججز نے اپنے عہدے کا حلف اٹھا لیا
کراچی دھماکہ: دو دہشتگردوں کی شناخت ہو گئی
