کراچی : (جیو ڈیسک)فائرنگ کے و اقعات میں پولیس اہلکار سمیت تین افرادلقمہ اجل بنے جبکہ ایک خاتون کا دھڑ بھی برآمد ہوا۔پرانی سبزی منڈی پر نامعلوم افراد کی فائرنگ سے سی آئی ڈی کا پولیس اہلکار علی حسن جاں بحق ہوا ،جسکی نماز جنازہ پولیس ہیڈ کوارٹر گارڈن میں ادا کر دی گئی اس موقع پر میڈیا سے گفتگو کرتے ہوئے آئی جی سندھ نے کہا کہ پولیس اہلکاروں کے قتل میں ملوث بعض ملزمان گرفتار ہوئے ہیں ایک سوال کے جواب میں انہوں نے کہا ستمبر میں بلدیاتی انتخابات ہوئے تو سیکورٹی فراہم کرنے کی صلاحیت رکھتے ہیں۔
فائرنگ کا ایک اور واقعہ گارڈن میں پیش آیا جہاں نامعلوم افراد کی فائرنگ سے ایک شخص جان کی بازی ہار گیا۔ ماڑی پور روڈ پر ایک شخص گولیوں کا نشانہ بناجبکہ سرجانی ٹاون سے خاتون کی لاش برآمد ہوئی۔ کھارادر میں نامعلوم افرادنے پولیس موبائل پر فائرنگ کر دی جس کے نتیجے میں دو اہلکار زخمی ہوئے۔
کوہستان جرگہ کیس:لڑکیوں کو 2 بجے پیش کرنیکا حکم
ارسلان چوہدری کے مبینہ کرپشن کیس کی سماعت ملتوی
