کراچی کے علاقوں لیاری اور پاک کالونی میں پولیس کے سرچ آپریشن کے دوران 5 افراد کو گرفتار کر کے اسلحہ اور ایک موٹرسائیکل برآمد کرلی ہے۔ لیاری میں سرچ آپریشن کے دوران علاقہ مکینوں نے احتجاج بھی کیا۔ پولیس حکام کے مطابق لیاری کے علاقوں سنگولین، چاکیواڑہ، آٹھ چوک اور دیگر علاقوں میں پولیس نے سرچ آپریشن کیا جس دوران پولیس کمانڈوز سمیت بھاری نفری تعینات تھی۔ سرچ آپریشن کے دوران سنگولین میں ایک مقام پر چھاپہ مار کر تین ملزمان کو گرفتار کر کے 2 کلاشنکوف، 3 پستول، ایک سیون ایم ایم، موٹرسائیکل اور گولیاں برآمد کر لی۔ پاک کالونی کے علاقے آصف کالونی میں علاقے کا محاصرہ کر کے سرچ آپریشن کیا جس میں دو افراد کو گرفتار کر کے ان کے قبضے سے ایک کلاشنکوف، ایک ٹی ٹی پستول اور گولیاں برآمد کر لی گئی ہیں۔
پنجاب : ڈینگی قابو سے باہر، ایک سو چوہتر نئے کیسز
ملک بھر میں آج یوم دفاع پاکستان منایا جا رہا ہے
