متحدہ قومی موومنٹ کے قائد الطاف حسین نے مسلح دہشت گردوں کی فائرنگ سے کراچی نیشنل اسٹیڈیم کے قریب کار پر فائرنگ کی شدید الفاظ میں مذمت کی ہے اور فائرنگ کے نتیجے میں نیول افسر کیپٹن ندیم کی شہادت اور ان کی اہلیہ کے زخمی ہونے پر گہرے دکھ اورا فسوس کااظہار کیا ہے۔
الطاف حسین نے کہا کہ کراچی میں مسلح دہشت گردوں کی فائرنگ سے نیول افسر کو فائرنگ کرکے شہید اور ان کی اہلیہ کو زخمی کرنے کا واقعہ کھلی دہشت گردی ہے اور شہر میں بدامنی اور بدترین صورتحال کا ایک اور ثبوت ہے۔ انہوں نے فائرنگ کے واقعہ میں کیپٹن ندیم کی شہادت پر ان کے سوگوار لواحقین ،پی این ایس جوہر کے نیول افسران اور سپاہیوں سے دلی تعزیت وہمدردی کا اظہار کیا۔
انہیں صبر کی تلقین کی ۔ انہوں نے دعا کی کہ اللہ تعالی شہید کو جنت الفردوس میں اعلی مقام عطا فرمائے، سوگواران کو صبرجمیل عطا کرے اور شہید کی اہلیہ کو جلد و مکمل صحتیابی عطا فرمائے۔ الطاف حسین نے وزیراعظم نواز شریف اور وفاقی وزیر داخلہ چوہدری نثار علی خان سے مطالبہ کیا کہ نیشنل اسٹیڈیم کراچی کے قریب مسلح دہشت گردوں کی نیول افسر کیپٹن ندیم کی گاڑی پر فائرنگ۔
ان کی شہادت اور اہلیہ کے زخمی ہونے کے واقعہ کا سنجیدگی سے نوٹس لیتے ہوئے اعلی سطحی تحقیقات کرائی جائیں۔ شہر میں دہشت گردی کے خاتمے اور بے گناہ افراد کی جان و مال کے تحفظ کیلئے ٹھوس اور عملی اقدامات بروئے کار لائے جائیں اور شہر میں قتل و غارتگری میں ملوث سفاک دہشت گردوں کو فی الفور گرفتار کر کے قرار واقعی سزا دی جائیں۔
حلقہ پی پی 150، ووٹوں کی دوبارہ گنتی مکمل، میاں مرغوب پھر کامیاب
اٹھارہ اٹھارہ گھنٹے بجلی کی بندش، لوگوں کا جینا محال
