روٹی کپڑا اور مکان کا نعرہ لگانے والوں نے عوام سے سب کچھ چھین لیا ،چوہدری خورشید زمان
Posted on April 8, 2013 By Tahir Webmaster سٹی نیوز
تحریک تحفظ پاکستان کے سیکریٹری جنرل چوہدری خورشید زمان نے کہا ہے کہ روٹی کپڑا اور مکان کا نعرہ لگانے والوں نے عوام سے سب کچھ چھین لیا ،توانائی بحران’ مہنگائی اور کرپشن انہی کے تحفے ہیں اپنے ایک بیان میں انہوں نے کہا کہ پانچ سالوں تک جو کرپٹ زرداری حکومت کی شکل میں عذاب مسلط رہی جس کی وجہ سے لاکھوں مزدور بے روز گار ‘ ہزاروں انسان دہشت گردی کی بھینٹ چڑھ گئے۔
ہزاروں لوگوں غربت اور افلاس کے ہاتھوں مجبور ہو کر خودکشیوں کی نذر ہو گئے ۔ اغواء برائے تعاون کی وارداتوں میں زبردست اضافہ ہوا ۔ غریب عوام کھانے پینے کی اشیاء کو ترستے رہے ۔ بجلی ‘ گیس ‘ پٹرول کی قیمتوں میں بے تحاشا اور ظالمانہ اضافہ نے غریب عوام کو جیتے جی مار ڈالا۔
انہوں نے کہا کہ آئندہ الیکشن میں عوام کو سوچ سمجھ کر ووٹ کاسٹ کرنا ہونگی۔کرپٹ سیاستدانوں سے نجات کرنے کے لئے قوم کو محسن پاکستان ڈاکٹر عبدالقدیر خان کی پارٹی تحریک تحفظ پاکستان کے پرچم تلے جمع ہونا ہو گا۔
