کراچی : بلدیہ کورنگی نے بحریہ ٹائون کے اشتراک سے ملیر ماڈل زون میں جاری صفائی مہم کے دوران اب تک 7 ہزار ٹن سے زائد کچراملیر اور ماڈل کالونی کے مختلف علاقوں سے اُٹھا کر ٹھکانے لگا دیا ۔چیئر مین بلدیہ کورنگی سید نیئر رضا نے کہاکہ بلدیہ کورنگی اور ضلع کورنگی کی عوام بحریہ ٹائون کے روح رواں ملک ریاض حسین کے ممنون و مشکور ہیں جنہوں نے عوام کاز میں بلدیہ کورنگی سے تعاون کرتے ہوئے ضلع کورنگی میں بسنے والی عوام کو کچرے کے ڈھیروں سے نجات دلا نے اور صحت مند ماحول کا قیام یقینی بنانے میں ہاتھ بٹا رہے ہیں۔
چیئرمین بلدیہ کورنگی نے بتا یا کہ بحریہ ٹائون اور بلدیہ کورنگی نے مشترکہ صفائی مہم کا آغاز ملیر ماڈل زون سے کیا ہے اور گزشتہ 5دن کے دوران ملیر ماڈل زون میں جمع شدہ کچرے کے ڈھیروں سے اب تک7ہزار ٹن سے زائد کچرا اُٹھا کر ٹھکانے لگا یا جاچکا ہے ان خیالات کا اظہار چیئر مین بلدیہ کورنگی سید نیئر رضا نے بحریہ ٹائون کے فوکل پرسن کمانڈر ذوالفقار میمن کے ہمراہ ملیر سعود آباد اور ملحقہ علاقوں کا دورہ کرکے بحریہ ٹائون اور بلدیہ کورنگی کی جاری صفائی مہم کے کاموں کا معائنہ کرتے ہوئے کیا اس موقع پر علاقہ عوام نے ملیر کے علاقوں سے کچرے کے ڈھیروں کے خاتمے پر چیئر مین بلدیہ کورنگی سید نیئر رضا اور بحریہ ٹائون کے چیئر مین ملک ریاض حسین کا شکریہ ادا کیا چیئر مین بلدیہ کورنگی سید نیئر رضا نے عوام سے گفتگو کرتے ہوئے کہا کہ بلدیہ کورنگی اپنی دستیاب وسائل و صلاحیتوں کی بدولت صفائی وستھرائی و کچرے کے ڈھیروں کو علاقوں سے اُٹھا کر ٹھکانے کی ہر ممکن کوشش کرررہی ہے مگر ناکافی مشنریز اور محدود وسائل کی وجہ سے ہم اپنے ضلع سے نصف کچرے کے ڈھیروں کو اُٹھا کر ٹھکانے لگا پاتے ہیں۔
انہوں کے کہا کہ ملک ریاض حسین چیئر مین بحریہ ٹائون نے عوامی مسائل کود نظر رکھتے ہوئے میئر کراچی وسیم اختر کی درخواست پر ضلع کورنگی سے کچریکے ڈھیروں کو اُٹھا کر ٹھکانے لگانے میں ہماری مدد کررہے ہیں چیئر مین بلدیہ کورنگی سید نیئررضا نے کہاکہ انشا اللہ بحریہ ٹائون کے تعاون سے بلدیہ کورنگی شاہ فیصل ،کورنگی اور لانڈھی کی عوام کو بھی کچرے کے ڈھیروں سے نجات دلا ئے گی چیئر مین سید نیئر رضا نے عوام سے اپیل کی کہ وہ علاقائی سطح پر صاف ستھرے صحت مند ماحول کے قیام میں بلدیہ کورنگی سے تعاون کریں۔
حاجی رشید احمد سندھو کی وفات پر مختلف تنظیموں کا مشترکہ تعزیتی اجلاس
الخدمت فاؤنڈیشن سٹریٹ چلڈرن کو صحت و تعلیم کے ساتھ ساتھ ذہنی و جسمانی نشوونما فراہم کر رہی ہے۔ حامد اطہر ملک
