اسلام آباد (جیوڈیسک)چینی وزیراعظم لی کی چیانگ کی کل پاکستان آمد پر شاندار استقبال کا فیصلہ کیا گیا .اکیس توپوں کی سلامی اور گارڈ آف آنر بھی دیا جائے گا۔ چکلالہ ائیر بیس پر صدر آصف زرداری اور نگراں وزیراعظم میر ہزار خان کھوسو ان کا استقبال کریں گے۔
چینی وزیراعظم کا طیارہ جب پاکستان کی فضائی حدود میں داخل ہوگا تو پاک فضائیہ کے دو طیارے حفاظتی حصار میں لے لیں گے۔ استقبالیہ تقریب کے بعد ایوان صدر میں وفود کی سطح پر مذاکرات ہوں گے۔
معاہدوں پر دستخط کی تقریب ہوگی۔ اس کے بعد چینی وزیراعظم اپنی اقامت گاہ جائیں گے اور مختلف سیاسی شخصیات سے ملاقات اور عشائیہ میں شرکت کریں گے۔ تیئیس مئی کو چینی وزیراعظم سینٹ اجلاس سے خطاب اور پاک چائنہ سنٹر کا دورہ کریں گے۔
سپریم کورٹ کا 2 سال کے دوران جاری ترقیاتی فنڈز کا آڈٹ کرانیکا حکم
اسلام آباد ہائیکورٹ: پاسپورٹ اسکینڈل کیس کا فیصلہ محفوظ
