لاہور: پاکستان کی نامور ڈویلپمنٹ کمپنی زمین ڈویلپمنٹس کے تحت زمین اوپل نامی نئے رہائشی منصوبے کا سنگ بنیاد لاہور میں رکھ دیا گیا۔ زمین اوپل کا افتتاح سی ای او ذیشان علی خان نے پراجیکٹ کی سائٹ پر کیا۔ اس منصوبے کی تعمیر زمین ڈویلپمنٹس کے زیر اہتمام کی جائے گی۔ زمین اوپل مین رائیونڈ روڈ پر جدید ترین اپارٹمنٹس رہائشگاہوں کا منصوبہ ہے،جس میں دور حاضر کی تمام تر سہولیات فراہم کی جا رہی ہیں۔یہ دس کنال یعنی 5000 مربع گز کا منصوبہ ہے، جس میں 175 رہائشی اپارٹمنٹس تعمیر کئے جائیں گے۔ سنگ بنیاد رکھنے کی تقریب میں ادارے کے دیگر سینئر افراد بھی موجود تھے۔
اس موقع پر گفتگو کرتے ہوئے زمین ڈاٹ کام کے سی ای او ذیشان علی خان کا کہنا تھا کہ ماہ مبارک میں ایک اور کامیابی پر اللہ رب العزت کے شکرگزار ہیں۔ ان کا کہنا تھا کہ زمین ڈاٹ کام کی کامیابی کے بعد یہ وقت تھا کہ ہم اسی شعبے میں مزید آگے کی جانب قدم بڑھاتے، اسی لئے زمین ڈویلپمنٹس کا آغاز کیا گیا ہے۔اس حوالے سے مزید گفتگو کرتے ہوئے اُن کا کہنا تھا کہ ڈویلپمنٹس کے شعبے میں مزید بہتری، تخلیق اور نیا کرنے کے جذبے کے ساتھ ہم اس کام کا آغاز کر رہے ہیں۔ زمین ڈاٹ کام نے 13سال رئیل اسٹیٹ مارکیٹ میں کام کرتے ہوئے دنیا بھرمیں موجود پاکستانیوں کا اعتماد حاصل کیا ہے، اسی طرح سے زمین ڈویلپمنٹس بھی اپنے منفرد منصوبوں سے لوگوں کی توقعات پر پورا اترے گا۔
انہوں نے مزید کہا کہ آج پاکستان میں جدید ترین پلاننگ پر مبنی رہائشی اور کمرشل پراجیکٹس کی کمی ہے، زمین ڈویلپمنٹس ناصرف اس کمی کو پورا کرے گی بلکہ بین الاقوامی معیار کے حامل نئے منصوبے بھی اسی نام کے تحت عوام الناس کے سامنے پیش کئے جائیں گے۔ایسے ہی ایک اور جدید منصوبے کا آغاز زمین ایس مال کے نام سے اسلام آباد میں کیا جا چکا ہے۔ اسی طرز پر دیگر جدید منصوبے پاکستان بھرکے بڑے شہروں میں جلد ہی متعارف کروائے جائیں گے۔
سنگ بنیاد کی اس تقریب میں زمین ڈاٹ کام کے کنٹری ہیڈ احمد بھٹی، نائب صدر ہارون ملک،سینئر ڈائریکٹر پراجیکٹ سیلز لئیق چوہدری،ڈائریکٹر پراجیکٹ ڈویلپمنٹ فہد عارف خواجہ سمیت دونوں کمپنیوں کی سینئر مینجمنٹ اسٹاف کی بڑی تعداد بھی موجود تھی۔ جاری کردہ: زمین میڈیا پرائیوٹ لمیٹڈ برائے رابطہ: سالار سلیمان، نظامت تعلقات عامہ و منتظم ابلاغ 0300-8567531 salaar@zameen.com
کورنگی نمبر 5 کھیل کے میدان پر قبضے کے خلاف علاقہ نوجوان اور عوام سراپا احتجاج
ٹائیگرز بھی گرین شرٹس کو للچائی نظروں سے دیکھنے لگے
