ڈنگہ کی خبریں 07.05.2013
Posted on May 8, 2013 By Tahir Webmaster سٹی نیوز
ڈنگہ : موضع بجاڑوالا کی معروف سماجی شخصیت شمریز محمود ، گلریز محمود ، پرویز اختر کے بھائی دلہا اورنگزیب اختر کی دعوت ولیمہ کی پروقار تقریب گزشتہ روز موضع بجاڑوالامیں منعقد ہوئی
ڈنگہ ( محمد بلال احمد بٹ) موضع بجاڑوالا کی معروف سماجی شخصیت شمریز محمود ، گلریز محمود ، پرویز اختر کے بھائی دلہا اورنگزیب اختر کی دعوت ولیمہ کی پروقار تقریب گزشتہ روز موضع بجاڑوالامیں منعقد ہوئی ۔ مہمانوں کا استقبال میاں جہانگیر عالم ایڈووکیٹ ، میاں شاہ نواز عالم ، لال خاں گمٹی ، محمد اسلم بجاڑوالہ ، خالد محمود بیکنانوالہ ، ناصر اقبال انصاری نے کیا ۔ دعوتِ ولیمہ کی تقریب سیاسی اکٹھ بن گیا ۔ اس پروقار دعوتِ ولیمہ کی تقریب میں نمایاں اہم شخصیات پیر سید امانت علی کڑاڑیوالہ کلاں ،سید فیض الحسن شاہ آف کلیوال سیداں ، شاہد عباسی ، میاں امجد محمود ڈنگہ ، میاں ادریس نمبر دار بیکنانوالہ ، میاں طارق محمود بجاڑوالہ ،سابق کونسلر بجاڑوالہ چوہدری مہدی خاں ، سابق کونسلر چوہدری عطاء اللہ بجاڑ ، چوہدری انار نمبر دار بجاڑ والا ، چوہدری شبیر نمبردار بجاڑ والا ، ڈاکٹر محمد اشرف چوہدری ڈنگہ ، میاں تصدق بیکنانوالہ ، میاں حمزہ کولیاں شاہ حسین ، مرزا فاروق زمان ڈنگہ ، چوہدری عبدالرزاق پوڑانوالہ ،اعظم ڈار ، شعیب ڈار ، محمد شفیق گھکڑ ، ممتاز احمد باغانوالہ ، چوہدری نواز حیدر ، راجہ عبدالرحمن سیکریالی ، عبدالغفار مغل ، سید کاشف عباس لاہور ، رزاق احمد بجاڑ والہ ، سید احسان علی ، کراڑیوالہ سمیت کثیر تعداد نے دعوت ولیمہ میں بھرپور شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: میں نے حلقہ کی ترقی اور خوشحالی کا باقاعدہ فریم ورک تیار کر رکھا ہے جس کے مطابق تمام منصوبوں کو حتمی شکل دے کر بنیادی پہلوئوں پر تعمیر و ترقی کا آغاز کریں گے،سید نورالحسن شاہ
ڈنگہ(محمد بلال احمد بٹ)آزاد امیدوار قومی اسمبلی حلقہ این اے106 سید نورالحسن شاہ نے کہا کہ میں نے حلقہ کی ترقی اور خوشحالی کا باقاعدہ فریم ورک تیار کر رکھا ہے جس کے مطابق تمام منصوبوں کو حتمی شکل دے کر بنیادی پہلوئوں پر تعمیر و ترقی کا آغاز کریں گے جس سے عوامی فلاح اور حلقہ کی خوشحالی کا مقصد پورا ہو سکے ان خیالات کا اظہار انہوں نے بھلیسرانوالہ میں اپنی حمایت میں بہت بڑے اکٹھ سے خطاب کرتے ہوئے کیا انہوں نے کہا کہ ہم نے اپنے دور اقتدار میں ہر حلقے کے لئے بہترین منصوبوں کا انتخاب کیا ہے،اور آئندہ بھی باقاعدہ پلاننگ کے مطابق ایک نیا دور کا آغاز کریں گے ہم مفروضوں پر یقین نہیں رکھتے، اور ہمارے دور میں بلا تفریق ہر کسی کو سرکاری طور پر ترقیاتی منصوبوں سے استفاد کی سہولت میسر آئی ہے،کیونکہ ہم ہر منصوبے کا انتخاب پورے حلقہ کی عوام کے لئے کرتے ہیں نہ کہ ذاتی لوگوں کو نوازنے کے لئے یہی وجہ ہے کہ ہمارے دور میں بلا تفریق ہر کوئی ان منصوبوں سے فیضاب ہوتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : تنظیم مغلیہ میں اکثریت جو بھی فیصلہ کرے گی ہر رکن کی طرح مجھے بھی وہ منظور ہو گا،مرزا نور حسین سرپرست تنظیم مغلیہ ڈنگہ
ڈنگہ(محمد بلال احمد بٹ)سرپرست تنظیم مغلیہ ڈنگہ مرزا نور حسین نے گذشتہ روز صحافیوں سے گفتگو کرتے ہوئے کہا کہ میں تنظیم مغلیہ کے لیے ہمیشہ تعاون کرتارہوںگا،تنظیم مغلیہ میں اکثریت جو بھی فیصلہ کرے گی ہر رکن کی طرح مجھے بھی وہ منظور ہو گا،مغل برادری کے فیصلہ کے مطابق چوہدری جعفر اقبال اور میاں طارق محمود کی حمایت کی ہے،ان دونوں کے علاوہ کسی کی حمایت کا سوچ بھی نہیں سکتے،اپنے محلہ میں کائرہ برادران کے جلسہ میں جانے کا مقصد حمایت کرنا نہیں تھا،انہوں نے کہا کہ مغل برادری کے ساتھ مل کر چوہدری جعفر اقبال اور میاں طارق محمود کی کامیابی کے لئے کوششیں کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ سمیت ملک بھر میں بجلی کا بحران سنگین ہو گیا
ڈنگہ(محمد بلال احمد بٹ)ڈنگہ سمیت ملک بھر میں بجلی کا بحران سنگین ہو گیا،اتوار کے روز سرکاری تعطیل کے باوجود بجلی بحران میں اضافے کا رجحان رہا اور عام دنوں کے مقابلے میں لوڈشیڈنگ کے دورانیے میں اضافہ ہو گیا، مسلسل بیس گھنٹے بجلی بند ہونے سے نگران وزیراعظم آف پاکستان کے دعوے ٹھس ہو گئے، بجلی بند ہونے سے انتخابی مہم بھی بری طرح متاثر ہو رہی ہے دیہات اور شہروں میں بجلی کی بندش بیس گھنٹے سے بھی بڑھ گئی ہے۔ جس سے عوام کا جینا دوبھر ہو گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : سلسلہ سیفیہ سے سینکڑوں مریدین و معتقدین نے آزاد امیدوار حلقہ این اے106چوہدری نصر اقبال آف سکھ چین کی حمایت کا اعلان کر دیا
ڈنگہ(محمد بلال احمد بٹ)سلسلہ سیفیہ سے سینکڑوں مریدین و معتقدین نے آزاد امیدوار حلقہ این اے106چوہدری نصر اقبال آف سکھ چین کی حمایت کا اعلان کر دیا،ا س سلسلے میں پیرا ڈائز ریسٹورنٹ میں حمایتی اکٹھ ہوا جس میں قاضی عبدالحفیظ سیفی ا ف نور جمال کی قیادت میں کثیر تعداد میں سیفی سلسلہ سے تعلق رکھنے والے افراد نے شرکت کی اور چوہدری نصر اقبال کی حمایت کا اعلان کیا اکٹھ سے حافظ محمد افضل سیفی اور چوہدری نصر اقبال نے خطاب کیا،اس موقع پراحسن الحق سیفی،شاہد محمود سیفی،قاری فہیم رضوی سیفی،محمد حنیف سیفی،مجاہد سیفی،مظہر اقبال،حاجی صفدر ٹھیکریہ ،احسان گادھی،ڈاکٹر محمد آصف محمدی سیفی،عبدالرحمن محمدی سیفی،فیاض احمد دینہ چک نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پیپلز پارٹی حلقہ این اے106کے امیدوار قومی اسمبلی چوہدری قمر زمان کائرہ نے چھ مئی کو ڈنگہ میں مختلف جگہوں پر اکٹھ کئے
ڈنگہ(محمد بلال احمد بٹ)پیپلز پارٹی حلقہ این اے106کے امیدوار قومی اسمبلی چوہدری قمر زمان کائرہ نے چھ مئی کو ڈنگہ میں مختلف جگہوں پر اکٹھ کئے جس میں اکثریت نے مکمل حمایت کا اعلان کیا پیپلز پارٹی کے مرکزی رہنما ملک اعجاز احمد نے پھالیہ روڈپر بہت بڑا جلسہ کیا چوہدری ریاض احمد گوندل نے سرمنی میرج ہال میں اہتمام کیا جبکہ جھٹکہ گروپ کی طرف سے بھی ایک اکٹھ ہوا جس میں کثیر تعداد میں لوگوں نے چوہدری قمر زمان کائرہ کی مکمل حمایت کا اعلان کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : فتہ بھنڈ کی سرکردہ گجر برادری نے سید نورالحسن شاہ امیدوار حلقہ این اے106کی حمایت کا اعلان کر دیا
ڈنگہ(محمد بلال احمد بٹ)فتہ بھنڈ کی سرکردہ گجر برادری نے سید نورالحسن شاہ امیدوار حلقہ این اے106کی حمایت کا اعلان کر دیا،اس سلسلہ میں ایک اکٹھ کا اہتمام کیا گیا چوہدری دل نواز،چوہدری جابر نواز،چوہدری ظفر اقبال نے کیا تھا،جس میں سید نور الحسن شاہ نے شرکت کی اس اکٹھ میں مختلف برادریوں کے سربراہان میں چوہدری اورنگ زیب پسوال،میاں قاسم علی،چوہدری رحمداد،وہدری شہباز احمد،چوہدری ذیشان احمد،چوہدری راشد اقبال،چوہدری جعفر اقبال نے سید نورالحسن شاہ کی حمایت کا اعلان کیا اور فتہ بھنڈ یونین کونسل سے کامیابی دلوانے کا اعادہ کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری شکیب عامر کی طرف سے کئے گئے حمایتی جلسہ میں ہزاروں افراد کی بھر پور شرکت ،چوہدری جعفر اور میاں طارق محمود کی حمایت
ڈنگہ(محمد بلال احمد بٹ)یونین کونسل مچھیانہ کی ممتا ز و سماجی و سیاسی شخصیت چوہدری شکیب عامر کی طرف سے کئے گئے حمایتی جلسہ میں ہزاروں افراد کی بھر پور شرکت کی،مہمان خصوصی حلقہ این اے106 چوہدری جعفر اقبال حلقہ پی پی113،میاں طارق محمود اور پی پی 112کے چوہدری محمد اشرف دیونہ کا منوں پھولوں کی پتیاں نچھاور کیں،گھوڑا ڈانس ڈھول کی تھاپ پر فقید المثال اور اعلان حمایت کی،جلسہ چوہدری عارف کھٹانہ ،چک پنڈی،چوہدری عنایت چوہان،چوہدری افضال دیونہ سمیت عوام کی کثیر تعداد میں لوگوں نے شرکت کی اس موقع پر چوہدری جعفر اقبال،میاں طارق محمود ،چوہدری اشرف دیونہ اور شکیب عامر نے معززین علاقہ سے خطاب کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : پاک ویلفیئر سوسائٹی کے زیر اہتمام چوہدری جعفر اقبال اور میاں طارق محمود کی حمایت میں جلسہ ہوا
ڈنگہ(محمد بلال احمد بٹ)پاک ویلفیئر سوسائٹی کے زیر اہتمام مسلم لیگ ن حلقہ این اے106کے امیدوار چوہدری جعفر اقبال اور مسلم لیگ ن حلقہ پی پی113کے امیدوار میاں طارق محمود کی حمایت میں جلسہ ہوا جس میں کثیر تعداد میں لوگوں نے شرکت کی اور ان کی حمایت کااعلان کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : جماعت اسلامی کے نامزد امیدوار برائے حلقہ پی پی113چوہدری عبدالستار آف پیر جنڈ کی حمایت میں موضع گھرکو میں ایک بڑا حمایتی اکٹھ ہوا
ڈنگہ(محمد بلال احمد بٹ)جماعت اسلامی کے نامزد امیدوار برائے حلقہ پی پی113چوہدری عبدالستار آف پیر جنڈ کی حمایت میں موضع گھرکو میں ایک بڑا حمایتی اکٹھ ہواچوہدری عبدالستار کا اکٹھ میں آمد پر شاندار استقبال کیا گیا،ان پر پھولوں کی پتیاں نچھاور کی گیں، اکٹھ سے حافظ مصعب لبیب،محمد عارف مغل،سید حنیف شاہ اور چوہدری عبدالستار پیر جھنڈ نے خطاب کیا،اس موقع پر چوہدری جمشید،چوہدری محمد دین،چوہدری محمد عارف،چوہدری طارق،چوہدری شمریز مالک،چوہدری یاسر محمود،چوہدری پرویز مالک،چوہدری امتیاز،محمد عمران،محمد وقاص،سید حسن شاہ سمیت کثیر افراد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
منڈی بہائو الدین:مسلم لیگ ق کے راہنما ساجد بھٹی کا گن مین302کا اشتہاری نکلا
منڈی بہائو الدین(محمد بلال احمد بٹ)مسلم لیگ ق کے راہنما ساجد بھٹی کا گن مین302کا اشتہاری نکلا،ملزم شہزادہ ولد غلام رسول سکنہ پرشائی کے خلاف تھانہ گھمگول ضلع کوہاٹ میں مقدمہ نمبر142،مورخہ05-06-2012بجرم 302-34ت پ درج ہے سپیشل چیکنگ کے دوران پولیس تھانہ قادر آباد نے ملزم ہزادہ کو ساجد احمد خان کی گاڑی سے گرفتار کر لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری جعفر اقبال اور میاں طارق محمو د کی جیت آسمانوں پر لکھی جاچکی ہے،محمد اصغر قریشی
ڈنگہ(محمد بلال احمد بٹ)پان فروشاں ڈنگہ کے صدر اور بیوٹی پان شاپ کے ایم ڈی محمد اصغر قریشی نے اپنے بیان میں کہا ہے کہ چوہدری جعفر اقبال اور میاں طارق محمو د کی جیت آسمانوں پر لکھی جاچکی ہے، دونوں ہی امیدوار حلقہ کے عوام کے ساتھ مخلص ہیں اوروہی علاقہ میں تعمیر و ترقی کے کام کروا سکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری نصر اقبال حلقہ کے عوام کے دلوں کی دھڑکن بن چکے ہیں،چوہدری مقصود احمد
ڈنگہ(محمد بلال احمد بٹ)جانی چک کی معروف سیاسی سماجی شخصیت چوہدری مقصود احمد نے اپنے بیان میں کہا کہ چوہدری نصر اقبال حلقہ کے عوام کے دلوں کی دھڑکن بن چکے ہیں عوام روایتی سیاستدانں اور وڈیرانہ نظام سے اکتا چکے ہیں،انہوں نے کہا کہ عوام الناس کی جانب سے ملنے والی پذپرائی اور محبتیں ان کی کامیابی کا پیش خیمہ ثابت ہونگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : انشاء اللہ جیت سید نورالحسن شاہ کی ہو گی ،حاجی محمد اسلم ترکھان
ڈنگہ(محمد بلال احمد بٹ)محلہ نبی پورہ کی معروف سماجی و سیاسی شخصیت حاجی محمد اسلم ترکھان نے کہا کہ انشاء اللہ جیت سید نورالحسن شاہ کی ہو گی اور ہم انہیں ڈنگہ شہر سے بھاری اکثریت سے کامیاب کروائیں گے انہوں نے کہا کہ میں لاہور سے سید نور الحسن شاہ کی الیکشن مہم چلانے کیلئے ڈنگہ آیا ہوں اور اپنی برادری دوست احباب سے ووٹ مانگنے کیلئے منت سماجت کردی ہے،انشاء اللہ ہم بھار ی لیڈسے سید نور الحسن شاہ کو کامیاب کرائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ٹپیالہ ساہیاں کی معروف شخصیت چوہدری بلال احمد ساہی جرمنی سے پاکستان آگئے ہیں
ڈنگہ(محمد بلال احمد بٹ)ٹپیالہ ساہیاں کی معروف شخصیت چوہدری بلال احمد ساہی جرمنی سے پاکستان آگئے ہیں اور وہ حلقہ پی پی 113کے امیدوار میاں طار ق محمود کی حمایت اور ان کو کامیاب کروانے کیلئے بھر پور کوششیں جاری کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : یونین کونسل کرسیکریالی کے گائوں میانہ چک کی معروف سماجی شخصیت نے اعجاز رنیاں کی حمایت کر دی
ڈنگہ(محمد بلال احمد بٹ)یونین کونسل کرسیکریالی کے گائوں میانہ چک کی معروف سماجی شخصیت نے مسلم لیگ ق حلقہ پی پی113کے امیدوار صوبائی اسمبلی چوہدری اعجاز احمد رنیاں کی حمایت کا اعلان کر دیا اس سلسلیہ میں بشیر احمد،فلک شیر اور قاسم بشیر نے اکٹھ کیا جس میں بشیر احمد ،فلک شیر،قاسم بشیر و دیگر نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ کے نوجوان مرزا ہمایوں بیگ کی قیادت میں نوجوانوں نے اعجاز رنیاں کی حمایت کا اعلان کر دیا
ڈنگہ(محمد بلال احمد بٹ)ڈنگہ کے نوجوان مرزا ہمایوں بیگ،چوہدری ریاض گوجر،مرزا جاوید اقبال،مرزا اللہ بخش،اکرم بھٹی،ساجد،افتخار بھٹی،سید عامر شاہ،ادریس جٹ،حاجی عنایت بھٹی،عباس بھٹی،شوکت چیچی،فوجی منیر،خان ظفر اقبال،شہزاد بھٹی،اللہ دتہ عرف بھنڈ ڈرائیور،ممتاز بھٹی،مرزا تاج بیگ،نوید علی،تنویر احمد سبزی والے،چوہدری مری،عباس جعفری نے مشترکہ بیانات میں کہا کہ گیارہ مئی کو چوہدری اعجاز احمد رنیاں کو کامیاب بنائیں اور سائیکل پر مہر لگائیں چوہدری اعجاز احمد کی خدمات علاقہ کے لئے بے مثال ہیں۔
