ڈنگہ کی خبریں 21.10.2013
Posted on October 22, 2013 By Tahir Webmaster سٹی نیوز
ڈنگہ :چوہدری اصغر علی آف شیخو چک قضائے الٰہی سے انتقال فرما گئے ہیں
ڈنگہ(محمد بلال احمد بٹ)جماعت اہل سنت شیخو چک کے راہنما چوہدری نعیم یاسر کے چچا سابق ناظم یو سی وڑائچانوالہ چوہدری اصغر علی آف شیخو چک قضائے الٰہی سے انتقال فرما گئے ہیں ان کی نماز جنازہ آج22اکتوبر دن ایک بجے شیخو چک میں ادا کی جائے گی،نماز جنازہ میں شرکت فرما کر ثواب دارین حاصل کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:اتووالہ سپورٹس پلس کے زیر اہتمام چوتھی سالانہ اتووالہ ریس چیلنج کی تیاریاں آخری مراحل میں داخل ہو گئی ہیں
ڈنگہ(محمد بلال احمد بٹ)اتووالہ سپورٹس پلس کے زیر اہتمام چوتھی سالانہ اتووالہ ریس چیلنج کی تیاریاں آخری مراحل میں داخل ہو گئی ہیں ظفر اقبال خاں یو کے اورمحمد ارشد خاں ناروے سے پاکستان پہنچ گئے ہیں،انہوںنے پہلی فرصت میں اتووالہ سپورٹس پلس کے تمام عہدیداراوں کا اجلاس طلب کیس جس میں 10کلو میٹر پیدل دوڑ کے معاملات کا جائزہ لیا اور مزید انہیں بہتر سے بہتر بنانے کے لئے مشاورت بھی کی گئی اور تمام عہدیداروں کو ان کی ذمہ داریاں سونپ دی گئیں،اجلاس میں محمد امین،ڈاکٹر غلام مصطفی،غلام رسول نقشبندی وسیم رزاق، شہزاد ناصر،فیصل محمود،محمد اویس وقاص علی،محمد ارشد علی،عدالت خاں،عابد حسین و دیگر افراد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : بلدیاتی الیکشن میں عوام کے مزید مسائل حل کرنے کیلئے حصہ لینے کا فیصلہ کیا ہے،چوہدری پرویز احمد گجر
ڈنگہ (محمد بلال احمد بٹ)ممتاز سیاسی و سماجی شخصیت اور سابق چیئر مین تھانہ امور کمیٹی ڈنگہ چوہدری پرویز احمد گجر نے کہا ہے کہ اپنی وارڈ نمبر7سے بلدیاتی الیکشن میں حصہ لینے کے لیے تیاری مکمل کر لی ہے،انشاء اللہ کامیاب ہو کر حلقہ کے باقی کام مکمل کروائیں گے،انہوں نے کہا کہ اپنے دور میں اپنی کونسل میں بے شمار ترقیاتی کام کروائے ہیں،مستحقین اور غرباء کا خیال رکھا گیا ہے ہمارا کام ہی ہماری کامیابی کی ضمانت ہے،انہوں نے کہا کہ بلدیاتی الیکشن میں عوام کے مزید مسائل حل کرنے کیلئے حصہ لینے کا فیصلہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : بلدیاتی الیکشن جیت کر عوامی خدمت کا سلسلہ جاری رکھیں گے،چوہدری اسجد اقبال آف ڈھلیان شریف
ڈنگہ(محمد بلال احمد بٹ)ممتاز سیاسی و سماجی شخصیت سابق نائب ناظم یونین کونسل چک جانی چوہدری اسجد اقبال آف ڈھلیان شریف نے کہا ہے کہ بلدیاتی الیکشن جیت کر عوامی خدمت کا سلسلہ جاری رکھیں گے،موجودہ حکمرانوں نے عوام کو مہنگائی کے سوا کچھ نہیں دیا لوگ فاقوں کا شکار ہو چکے ہیں،انہوں نے کہا کہ اس سے قبل بھی اپنی یونین کونسل میں بے شمار ترقیاتی فنڈز منظور کروا کرکام کروائے ہیں اور آئندہ کامیاب ہو کر حلقے کی محرومیوں کاازالہ کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : میاں طارق محمود آف ڈھلیان نے یونین کونسل چک جانی سے بلدیاتی الیکشن لڑنے کا اعلان کر دیا
ڈنگہ(محمد بلال احمد بٹ)ممتاز سیاسی و سماجی شخصیت سابق ممبر ضلع کونسل اور شیل پیٹرولیم ڈنگہ کے ایم ڈی میاں طارق محمود آف ڈھلیان نے یونین کونسل چک جانی سے بلدیاتی الیکشن لڑنے کا اعلان کر دیا ہے،انہوں نے کہا ہے کہ گائوں اور حلقہ کے عوام کی پر زور اصرار پر بلدیاتی الیکشن لڑنے کا ارادہ کیا ہے،اور یونین کونسل چک
جانی کے عوام کے حقو ق پر کسی کو ڈاکہ ڈالنے کی اجازت نہیں دیں گے،انہوں نے کہا کہ یونین کونسل میں سابقہ دور میں کوئی بھی ترقیاتی کام نہیں ہوا اور کسی بھی نمائندہ نے اس طرف دھیان نہیں دیا جس کی وجہ سے حلقہ محرومیوں کا شکار ہے،انشا ء اللہ کامیاب ہو کر حلقہ میں ترقیاتی کاموں کا جال بچھا دیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ کھاریاں روڈ پر ون وے سٹرک پر یو ٹرن نہ ہونے سے کئی قیمتیں جانیں ضائع ہو چکی ہیں
ڈنگہ(محمد بلال احمد بٹ)ڈنگہ کھاریاں روڈ پر ون وے سٹرک پر یو ٹرن نہ ہونے سے کئی قیمتیں جانیں ضائع ہو چکی ہیں محلہ طاہر آباد کے مکینوں اور تاجروں کو بازار آنے کیلئے لال قلعہ میرج ہال سے ٹرن ہوکر جانا پڑتا ہے جبکہ قبرستان کشمیریاں میں بھی جنازہ پڑنے والوں کو سخت پریشانی کا سامنا ہے الائیڈ سکول سے لے کر لال قلعہ میرج ہال کے درمیان میں کوئی یو ٹرن نہ بنایا گیا حالانکہ الائیڈ سکول سے لے کر قینچی موڑ منڈی روڈ تک تین یو ٹرن بنائے گئے ہیں محلہ طاہر آباد اور شہریوں کا کہنا ہے کہ اسکا ذمہ دار کون ہے جو ایم این اے اور ایم پی اے یو ٹرن نہیں بنا سکتا وہ عوامی خدمت کیا کرے گا،اہلیان شہر اور محلہ طاہر آباد کے عوامی سماجی حلقوں نے ایم این اے چوہدری جعفر اقبال اور ایم پی اے میاں طارق محمود سے مطالبہ کیا ہے کہ وہ الائیڈ سکول سے لال قلعہ میرج ہال کے درمیان دو یوٹرن بنوائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ کی سب سے بڑی مغل برادری نے بلدیاتی الیکشن میں اپنے امیدواران کی کامیابی کے لئے متفقہ امیدواران میدان میں اتارنے کے لئے سر جوڑ لئے
ڈنگہ(محمد بلال احمد بٹ)ڈنگہ کی سب سے بڑی مغل برادری نے بلدیاتی الیکشن میں اپنے امیدواران کی کامیابی کے لئے متفقہ امیدواران میدان میں اتارنے کے لئے سر جوڑ لئے۔گذشتہ روز ایک اہم اجلاس ڈاکٹڑ خالد محمود خان مغل کی رہائش گاہ پر ہوا،جس
میں مرزا محمد نعیم،ٹھیکیدار شوکت مغل،مرزا مقصود احمد،مرزا محمد یونس،مرزا اشفاق احمد،خالد مغل،نثار مغل،حاجی سعید احمد مغل،ڈکٹر خالد محمود خان،حاجی مرزا نور حسین،صوفی خالد محمود عطاری،مرزا محمد ریاض،راشد مغل،حاجی عبدالرزاق،حکیم محمد افضل،محمد شبیر مغل،عبدالرزاق مغل سمیت درجنوں مغل برادری کے سرکردہ راہنمائوںنے شرکت کی، اور بلدیاتی حوالے سے ڈسکس کی گئی آئندہ چند میں جنرل ہائوس برادری کا اجلا س ہو گا جس میں حتمی لائحہ عمل کا اعلان کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ڈی ایس ریلوے راولپنڈی نے عوامی مطالبہ پر پنڈدادنخان سے براستہ ڈنگہ تا لالہ موسیٰ پسنجر ٹرین چلانے کا اعلان کر دیا
ڈنگہ(محمدبلال احمد بٹ)ڈی ایس ریلوے راولپنڈی نے عوامی مطالبہ پر پنڈدادنخان سے براستہ ڈنگہ تا لالہ موسیٰ پسنجر ٹرین چلانے کا اعلان کر دیا،تفصیلات کے مطابق ڈی ایس ریلوے راولپنڈی سید منور شاہ نے گذشتہ ملکوال ریلوے جنکشن کا دورہ کیا،ڈی ایس ریلوے نے شہریوں اور تاجروں کے پر زور مطالبہ پر پنڈ دادنخان تا لالہ موسیٰ جانے والی پسنجر ٹرین کو بحال کر دیا گیا،انہوں نے کہا کہ آئندہ چند روز میں سرگودہا سے لالہ موسیٰ براستہ ملکوال پسنجر ٹرین بھی بحال کر دی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:ملک بھر میں عید کی تعطیلات کے بعد دوبارہ لوڈشیڈنگ کا سلسلہ جاری
ڈنگہ(محمد بلال احمد بٹ)ملک بھر میں عید کی تعطیلات کے بعد دوبارہ لوڈشیڈنگ کا سلسلہ جاری ملک بھر میں شارٹ فال دو ہزار میگا واٹ تک جا پہنچا ہے شہروں میں چار سے پانچ اور دیہات میں آٹھ گھنٹے تک لوڈشیڈنگ جاری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :بھارت سے ٹماٹر کے165ٹرک واہگہ بارڈر کے راستے لاہور پہنچ
ڈنگہ (محمد بلال احمد بٹ)بھارت سے ٹماٹر کے165ٹرک واہگہ بارڈر کے راستے لاہور پہنچ گئے،جس سے قیمتوں میں کمی کا امکان ہے،ڈی سی او لاہور نسیم صادق کے مطابق بھارت سے ٹماٹر کے165ٹرک واہگہ بارڈر کے راستے لاہور پہنچ گئے جبکہ اندرون ملک سے بھی65ٹرک آگئے انہوں نے بتایا کہ تھوک میں ٹماٹر کی فی کلو قیمت 35جبکہ پرچون میں40روپے مقرر کی گئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :سعودی محکمہ شماریات کے مطابق اس سال مجموعی طور پر19لاکھ 80ہزار افراد نے حج کی سعادت حاصل کی
ڈنگہ(محمد بلال احمد بٹ)سعودی محکمہ شماریات کے مطابق اس سال مجموعی طور پر19لاکھ 80ہزار افراد نے حج کی سعادت حاصل کی جبکہ گذشتہ سال یہ تعداد31لاکھ ساٹھ ہزار تھی،سعودی عرب کے صرف ایک لاکھ سترہ ہزار مقامی باشندوں اور وہاں پر کام کرنے والے پانچ لاکھ غیر ملکی کارکنوں نے حکومت سے باقاعدہ اجازت نامہ حاصل کر کے حج کیا،اس کے علاوہ دنیا کے188ملکوں سے آنے والے تیرہ لاکھ80ہزار افراد نے بھی حج کیا جبکہ2012ء میں یہ تعداد سترہ لاکھ50 تھی،سعودی اخبار الاقتصاد کے مطابق غیر قانونی حاجیوں کو رکھنے کے لئے حکومت کے موثر اقدامات کے باعث اس سال سعودی حکومت سے اجازت حاصل کئے بغیر حج کرنے والوں کی تعداد65فیصد میں کمی ہوئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :وفاقی وزیر ریلوے خواجہ سعد رفیق نے لالہ موسیٰ سرگودہا سپر دھماکہ ٹرین بحال کر دی
ڈنگہ(محمد بلال احمد بٹ)وفاقی وزیر ریلوے خواجہ سعد رفیق نے لالہ موسیٰ سرگودہا سپر دھماکہ ٹرین بحال کر دی،تفصیلات کے مطابق وفاقی وزیر ریلوے خواجہ محمد سعد
رفیق نے لالہ موسیٰ سرگودہا سیکشن پر چلنے والی سپر دھامکہ ایکسپریس ٹرین جو کافی عرصہ سے بند تھی عید کے موقعہ پر بحال کر دی،ٹرین سرگودہا سے لالہ موسیٰ3:15سہ پہر پہنچتی ہے اور4:20لالہ موسیٰ سے سرگودہا کیلئے روانہ ہوتی ہے ٹرین کی بحالی سے لالہ موسیٰ،سرگودہا سیکشن پر مسافروں کو آمدورفت کی بہترین سہولت مل گئی ہے،عوامی و سماجی حلقوں نے وفاقی وزیر ریلوے خواجہ محمد سعد رفیق کا شکریہ ادا کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ ڈنگہ کے سب انسپکٹر شہزاد احمد نے بمعہ نفری ناکہ لگا کر ایک شخص سے ناجائز اسلحہ کلاشنکوف بمعہ رائونڈبرآمد کر لیا تھانہ ڈنگہ میں مقدمہ درج
ڈنگہ(محمد بلال احمد بٹ)تھانہ ڈنگہ کے سب انسپکٹر شہزاد احمد نے بمعہ نفری ناکہ لگا کر ایک شخص سے ناجائز اسلحہ کلاشنکوف بمعہ رائونڈبرآمد کر لیا تھانہ ڈنگہ میں مقدمہ درج ،تفصیل کے مطابق تھانہ ڈنگہ کے سب انسپکٹر نفری کے ہمراہ ڈنگہ نور جمال روڈ پر معمول کی ناکہ بندی لگائے ہوئے تھے کہ اسی دوران ایک شخص اختر علی سکنہ ڈنگہ خورد کو مشکوک جان کر روکا گیا اور دوران تلاشی اس کے قبضہ سے رائفل ناجائز کلاشنکوف بمعہ60عدد رائونڈ برآمد کر کے ملزم کو گرفتار کر لیا اس کے خلاف تھانہ ڈنگہ میں زیر دفعہ13-20-65ت پ کے تحت مقدمہ درج کر کے حوالہ حوالات کر دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :محرم الحرام کی آمد کے پیش نظر سے شادی ہالوں میں تیزی آگئی ہے
ڈنگہ(محمد بلال احمد بٹ)محرم الحرام کی آمد کے پیش نظر سے شادی ہالوں میں تیزی آگئی ہے عید ختم ہوتے ہی لوگوں نے شادیوں کیلئے خریداری کرنا تیز کر دی ہے،جبکہ میرج ہالوں میں بکنگ کیلئے رش بڑھ گیا ہے میرج ہالوں میں ایک ایک دن میں چار سے پانچ فنکشن ہو رہے ہیں رش بڑھنے کی وجہ سے لوگوں نے گلی محلوں میں ٹینٹ لگا کر تقریبات منعقد کی جا رہی ہیں دوسری طرف میر ج ہالز منہ مانگے ریٹ وصول کر رہے ہیں،میرج ہال مالکان کا کہنا ہے کہ میرج ہالز کے تمام ہالز محرم سے پہلے بک ہو گئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : لال قلعہ میرج ہال کے سبزہ زار پر ایک عظیم الشان اور تاریخ ساز عید گالا میوزک کنسرٹ کا انعقاد کیا گیا
ڈنگہ(محمد بلال احمد بٹ)ڈنگہ کی پہلی پروڈکشن کمپنی ایس ایل پروڈکشن کے زیر اہتمام عید الاضحی کے پرمسرت موقع پر عوام الناس کو معیاری اور سستی تفریح فراہم کرنے کیلئے گذشتہ روز لال قلعہ میرج ہال کے سبزہ زار پر ایک عظیم الشان اور تاریخ ساز عید گالا میوزک کنسرٹ کا انعقاد کیا گیا تفریح کے مواقعوں سے یک سر محروم اہلیان ڈنگہ نے اس عید گالا میوزک کنسرٹ میں بھر ہپور شرکت کی اپنی عید کی خوشیوں کو دوبالا کیا اور اس پروگرام کو زندہ دلان ْڈنگہ نے یادگار بنا دیا،عید گالامیوزک کنسرٹ میں پاکستان ٹیلی ویثرن ،اسٹیج،ریڈیو کے نامور فنکاروں نے شرکت کر کے پروگرام کو چار چاند لگا دیئے،اس موقعہ پر ڈنگہ کی تاریخ میں پہلی مرتبہ ڈنگہ شہر کے حوالے سے ایک تاریخی گانا(ڈنگہ شہر)بھی ویڈیو کی شکل میں پیش کیا گیا،جس میں ڈنگہ کی تاریخی عمارات،کلچر،رہن سہن کے حوالے سے ایک بھر پور ڈاکو منٹری دکھائی گئی،عید گالا مویزک کنسرٹ میں ایس ایل پروڈکشن کے چیف ایگزیکٹو واحد حنیف نے معزز مہمانوں کا استقبال کیا جبکہ پروگرام کے میزبان علی شاہ اور اختر وزیر نے اپنی سحر انگیز گفتگو سے پروگرام میں نئی جان ڈالی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:ڈاکٹر غلام مصطفی آذر سے والد کی وفات پر مختلف شخصیات کا اظہار تعزیت
ڈنگہ(محمدبلال احمدبٹ)ڈنگہ پریس کلب رجسٹرڈ کے صدر ڈاکٹر غلام مصطفی آذر کے والد محترم حاجی عبدالغفور کی وفات پر پیر سید طاقت یعقوب رضوی ایم پی اے نے ٹیلی فون پر سابق امیدوار قومی اسمبلی حلقہ این اے106 چوہدری نصر اقبال آف سکھ چیناں
نے ڈاکٹر غلام مصطفی آذر کی رہائش گاہ پر آکر اظہار تعزیت اور افسوس کا اظہار کیا اور مرحوم کے ایصال ثواب کے لئے فاتحہ خوانی کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :جماعت اہل سنت اور انجمن طلباء اسلام شیخو چک کے زیر اہتمام سالانہ کل پاکستان محفل نعت شیخو چک میں تیاریاں عروج پر پہنچ گئیں
ڈنگہ(محمد بلال احمد بٹ)جماعت اہل سنت اور انجمن طلباء اسلام شیخو چک کے زیر اہتمام سالانہ کل پاکستان محفل نعت شیخو چک میں تیاریاں عروج پر پہنچ گئیں،ثناء خواںسے رابطے مکمل خوبصورت دعوت نامے جاری اور جاذب نظر سٹیج کی تیاری زور و شورسے جاری ہے،اس محفل نعت میں خصوصی خطاب مناظر السلام حضرت علامہ مولانا مفتی محمد حنیف قریشی راولپنڈی تلاوت کلام پاک قاری محسن قادری رضا گجرات نقیب محفل شہنشاہ نقابت الحاج افتخار احمد رضوی جبکہ ثناء خواں مصطفی سید محمد فصیح الدین سہروری کراچی قاری الحاج شاہد محمود قادری ساہیوال الحاج محمد عدنان رضا قادری سکھر شہزاد تحسین مدنی اسلام گلہائے عقیدت پیش کریں گے یہ محفل پوری دنیا میں انٹرنیٹ کے ذریعے براہ دکھائی جائے گی،خواتین کے لئے پردے کا انتظام ہو گا اور لنگر کا بھی اہتمام وسیع ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :حجاج بن ظفر کے ہاں بیٹے کی پیدائش،دوست احباب کی مبارکباد
ڈنگہ(محمد بلال احمد بٹ)روزنامہ آواز ڈنگہ کے ایڈیٹرایم مصنف شیراز کے بھائی حجاج بن ظفر کے ہاں گذشتہ روز خدا تعالیٰ نے بیٹا عطا کیا ہے رشتہ داروں اور دوستوں نے انہیں مبارکباد دی ہے ایم مصنف شیراز چند دنوں میں اپنے دوستوں کو پرتکلف دعوت پر مدعو کریں گے۔
تلہ گنگ کے رھائشی جوڑا عاصمہ بتول اور تنویر حیدر کورٹ میرج کرنے کے بعد میڈیا سے گفتگو کر رھے ہیں
