fbpx

فرحان اختر ہالی وڈ میں ڈیبیو کے لیے تیار

Farhan Akhtar

Farhan Akhtar

ممبئی (اصل میڈیا ڈیسک) بھارت کے نامور لکھاری اور شاعر جاوید اختر کے صاحبزادے اداکار فرحان اختر اب ہالی وڈ میں بھی نظر آئیں گے۔

بھارتی میڈیا رپورٹس میں دعویٰ کیا گیا ہے فرحان اختر نے ہالی وڈ سائنس فکشن سپر ہیرو فلمیں بنانے والے ادارے مارول اسٹوڈیو کے ساتھ ایک پروجیکٹ سائن کیا ہے جب کہ اداکار اس وقت فلم کی شوٹنگ کے سلسلے میں انٹرنیشنل کاسٹ اور عملے کے ہمراہ تھائی لینڈ کے دارالحکومت بنکاک میں موجود ہیں۔

رپورٹ میں کہا گیا ہے فلم اور شوٹنگ کے حوالے سے مزید معلومات کو فی الحال خفیہ رکھا گیا ہے ۔

خیال رہے کہ مارول اسٹوڈیو عالمی سطح پر سب سے بڑے فلم اسٹوڈیو میں سے ایک تسلیم کیا جاتا ہے تاہم اب مارول اسٹوڈیو کے اگلے بین الاقوامی پراجیکٹ میں فرحان اختر کی شرکت ایک دلچسپ پیشرفت تصور کی جارہی ہے۔