نیویارک (جیوڈیسک) مشہور انٹرنیٹ سرچ انجن گوگل نے ڈرون بنانے والی کمپنی ٹائیٹن ایرواسپیس خرید لی ہے۔ اس فیصلے کا مقصد ان علاقوں میں انٹرنیٹ کی خدمات فراہم کرنا ہے جو اب تک اس سہولت سے محروم ہیں۔دنیا بھر کی معلومات کے حصول اور لوگوں سے رابطے میں رہنے کا سب سے تیز رفتار اور موثر طریقہ انٹرنیٹ ہے۔
لیکن اعداوشمار کے مطابق اس وقت دنیا کی دو تہائی آبادی انٹرنیٹ تک رسائی سے محروم ہے ، کئی ممالک کے دورافتادہ علاقوں میں انٹرنیٹ کی سہولت ہی موجود نہیں اور کہیں سگنلز اچھے نہیں آتے ، ایسے علاقوں کے لیے گوگل نے ڈرون بنانے والی معروف کمپنی Aerospace Titan خرید لی ہے۔
گوگل کی انتظامیہ کا کہنا ہے کہ ان علاقوں میں انٹرنیٹ کی سہولت فراہم کرنے کے لیے ڈورن استعمال کیے جائیں گے۔ ٹائیٹن ایرو اسپیس کا کہنا ہے کہ اس کے تیار کردہ بعض ڈرون پانچ سال تک ری فیولنگ اور زمین پر آئے بغیر فضا میں رہ سکتے ہیں۔
سعودی عرب میں بیرون ملک سرگرم جنگجوؤں کی مدد کے الزام میں 13 افراد کو قید
ٹیکس فراڈ کیس میں سابق اطالوی وزیراعظم کو ایک سال تک عوامی خدمت کی سزا
