گجرات کی خبریں 25.04.2013
Posted on April 26, 2013 By Noman Webmaster گجرات
ممتاز روحانی شخصیت صاحبزادہ پیر حکیم جواد الرحمن نظامی سیفی UEAکے دورہ کے بعد وطن واپس پہنچ گئے
گجرات (جی پی آئی)ممتاز روحانی شخصیت صاحبزادہ پیر حکیم جواد الرحمن نظامی سیفی UEAکے دورہ کے بعد وطن واپس پہنچ گئے انہوں نے اپنے دورہ کے دوران مختلف مذہبی تقریبات سے خطاب کیا اور مختلف محافل میں شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ریٹائرڈ تحصیلدار چوہدری احمد حسین کدھر کے صاحبزادے چوہدری قمر زمان رشتہ ازدواج سے منسلک ہو گئے
گجرات (جی پی آئی)کینڈا کی ممتاز سماجی شخصیت کدھر فیملی کے سربراہ ریٹائرڈ تحصیلدار چوہدری احمد حسین کدھر کے صاحبزادے چوہدری قمر زمان رشتہ ازدواج سے منسلک ہو گئے ، ان کی بارات فاران میرج ہال گئی ، ان کی شادی چوہدری محمد ارشد کی صاحبزادہ ربیعہ ارشد سے ہوئی ، بارات کے استقبال چوہدری محمد ارشد ، امجد محمود ، محمد اکرم ، محمد سلیم ، لیاقت و دیگر نے کیا، بارات میں ہر مکتبہ فکر سے تعلق رکھنے والے افراد کی کثیر تعداد نے شرکت کی ، جن میں سابق کونسلر چوہدری محمد جاوید پڈا ، چوہدری منور پڈا ، چوہدری فاروق ، چوہدری محمد اشرف ، چوہدری اکرم چیمہ ، چوہدری صدیق پڈا ، ڈاکٹر رزاق احمد غفاری ، تحصیلدار سجاد ، تحصیلدار چوہدری ارشاد ، تحصیلدار چوہدری خادم حسین ، سید نوازش علی کاظمی ، سعید پڈا ، محمد اقبال گوندل ، چوہدری سرفراز احمد بھولا ، چوہدری طاہر قاسم ، چوہدری رشید احمد کدھر ، چوہدری خضر حیات کدھر ، چوہدری عطاء الحسن کدھر ، چوہدری انور پڈا ، شبیر پڈا ، چوہدری طاہر یوسف ، چوہدری فیاض گوندل ، غلام محی الدین بھنڈر ، فیض بھنڈر ، چوہدری انور بھنڈر ، چوہدری افتخار احمد ، چوہدری عامر کدھر و دیگر موجود تھے ، ان کی دعوت ولیمہ آج ملن میرج ہال گجرات میں منعقد ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)ممتاز مسلم لیگی راہنما چوہدری مظہر اقبال چوہان نے اپنے ساتھیوں کے ہمراہ سابق وزیراعظم پاکستان چوہدری شجاعت حسین سے ملاقات کی ، ملاقات کے دوران اہم امور پر تبادلہ خیال کیا گیا ، خصوصاً انتخابات کے حوالہ سے گفتگو کی گئی ، چوہدری مظہر اقبال چوہان نے آئندہ انتخابات میں مسلم لیگ ق کے امیدواروں کی کامیابی کے سلسلہ میں بھرپور تعاون کی یقین دہانی کروائی اور کہا کہ ہم اپنی تمام قوتیں مسلم لیگ ق کی کامیابی کیلئے صرف کر رہے ہیں ، اس سلسلہ میں ٹیم ورک کے ساتھ کام جاری ہے ، چوہدری شجاعت حسین نے ان کی کاوشوں کو بے حد سراہا اور امید ظاہر کی کہ وہ آئندہ بھی اسی طرح کام کرتے رہینگے ، ان کے ہمراہ خالد اقبال چوہان ، محمد سلیم چوہان ، محمد اشرف چوہان ، ذیشان اسلم چوہان ، عنصر اقبال چوہان ، حافظ محمد اسلم ، ایوب خان ، انور خاں ، ماسٹر ذوالفقار ، راجہ محمد اشرف ، حاجی محمد ارشد ، محمد لطیف گجر ، محمد عباس ، حاجی خورشید ، منظو رحسین ، قاسم ، بائو اصغر ، حضر اصغر و دیگر افراد کی کثیر تعداد موجود تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز سماجی شخصیت رانا مشرف علی ناز نے اورنگزیب بٹ آف زیب بلڈرز سے ملاقات کی
گجرات (جی پی آئی)ممتاز سماجی شخصیت رانا مشرف علی ناز نے اورنگزیب بٹ آف زیب بلڈرز سے ملاقات کی ، ملاقات کے دوران اہم امور پر تبادلہ خیال کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا بھر کی طرح گجرات میں بھی یوم صدیق اکبر رضی اللہ تعالیٰ عنہ 4مئی کو جوش و خروش کے ساتھ منایا جائیگا
گجرات (جی پی آئی)دنیا بھر کی طرح گجرات میں بھی یوم صدیق اکبر رضی اللہ تعالیٰ عنہ 4مئی کو جوش و خروش کے ساتھ منایا جائیگا ، اس سلسلہ میں دی ایجوکیٹرز بارہ دری کیمپس ہائی سکول گجرات میں عظیم الشان محفل منعقد ہوئی ، جس میں ممتاز عالم دین صاحبزادہ غلام بشیر نقشبندی خصوصی خطاب کرینگے ، اس محفل میں حضرت صدیق اکبر رضی اللہ تعالیٰ عنہ کی حیات مبارکہ پر روشنی ڈالی جائے گی ، تمام اہل اسلام خصوصاً سلسلہ نقشبندیہ سے منسلک افراد سے اپیل کی جاتی ہے کہ وہ اپنی اپنی سطح پر یوم صدیق اکبر بھرپور طریقہ سے منائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دی ایجوکیٹرز بارہ دری کیمپس ہائی سکول میں 30اپریل کو بلائنڈ سکول کے بچے مارننگ اسمبلی میں اپنے فن کا مظاہرہ کریں گے
گجرات (جی پی آئی)دی ایجوکیٹرز بارہ دری کیمپس ہائی سکول میں بروز منگل 30اپریل کو بلائنڈ سکول کے بچے مارننگ اسمبلی میں بلائنڈ سکول کے بچے اپنے فن کا مظاہرہ کریں گے ، اس موقع پر بلائنڈ سکول کے بچوں کیلئے دی ایجوکیٹرز بارہ دری کیمپس کی طرف سے عطیات بھی دئیے جائینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رانا مشرف علی ناز نے سید نوازش علی کاظمی کی ہمشیرہ کی وفات پر گہرے رنج و غم کا اظہار کیا
گجرات (جی پی آئی)رانا مشرف علی ناز نے سید نوازش علی کاظمی کی ہمشیرہ کی وفات پر گہرے رنج و غم کا اظہار کیا ہے اور دعا کی ہے کہ اللہ تعالیٰ مرحومہ کو جنت الفردوس میں اعلیٰ جگہ اور لواحقین کو صبر جمیل عطا فرمائے۔
ْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان تحریک انصاف کے نامزد امیدوار حلقہ پی پی 113چوہدری شرافت حسین ایڈووکیٹ اور میاں افضل حیات کولیاں والا نے ڈنگہ کی مختلف یونین کونسلوں کا طوفانی دورہ کیا
گجرات (جی پی آئی)پاکستان تحریک انصاف کے نامزد امیدوار حلقہ پی پی 113چوہدری شرافت حسین ایڈووکیٹ اور میاں افضل حیات کولیاں والا نے ڈنگہ کی مختلف یونین کونسلوں کا طوفانی دورہ کیا ، اور یونین کونسلز میں منعقدہ کارنر میٹنگز سے خطاب بھی کیا ، دریں اثناء جب وہ دلانوالہ اور ٹوپہ عثمان میں منعقدہ انتخابی اکٹھ میں پہنچے تو پھول کی پتیاں اور پھولوں کے ہار پہنا کر پرتپاک استقبال کیا ، ڈھولوں کی تھاپ پر انہیں جلسہ گاہ میں لایا گیا ، اس موقع پر معززین علاقعہ کی سرکردی شخصیات کی کثیر تعداد موجود تھی ، اس موقع پر خطاب کرتے ہوئے چوہدری شرافت حسین ایڈووکیٹ نے کہا کہ تمام سپورٹروں کے ہمراہ ہم میدان سیاست میں آئے ہیں اور عوام کے دکھوں کا مداوا کریں گے ، ملک کو جو مسائل درپیش ہیں ان کا حل صرف اور صرف پی ٹی آئی کر سکتی ہے ، کیونکہ مخلص قائد ہی ملک کو ترقی کی راہ پر گامزن کر سکتا ہے ، اور قائد انقلاب عمران خان انشاء اللہ آئندہ اقتدار میں آ کر غریب عوام کو تمام سہولیات فراہم کریں گے ، آئندہ آنے والے دور پاکستان تحریک انصاف کا ہو گا ، 11مئی کا دن پاکستان تحریک انصاف کی کامیابی کا دن ہے ، عوام اپنے ضمیر کی آواز سنتے ہوئے پی ٹی آئی کو ووٹ دے کر کامیاب کروائیں اور آزمائے ہوئوں کو دوبارہ نہ آزمائے ، سابقہ حکمرانوں نے ملک کو کھوکھلا کر کے رکھ دیا ہے ، غریب عوام کا کوئی پرسان حال نہیں ہے ، اب تبدیلی کا وقت ہے ، ہم سب کو ملکر پاکستان تحریک انصاف اور عمران خان کے ہاتھ مضبوط کرنے ہیں تا کہ ملک کو تاریکوں سے نکالا جا سکے ، بدقسمتی زرداری ٹولہ اوراس کے حواریوں نے مل کر ملک کی تاریکیوں میں دھکیل دیا ہے ،بجلی کی بد ترین لوڈ شیڈنگ ، مہنگائی ، بدامنی ، لوٹ مار ، لوگوں کی زمینوں ، مکانوں پر ناجائز قبضے کر کے ملک کا بیڑہ غرق کر دیاہے ،میاں افضل حیات کولیاں والا نے خطاب کرتے ہوئے کہا کہ آپ تمام لوگوں کے ووٹوں کی طاقت سے ہی اسی ملک میں لوٹ مار کرنے والوں کا حساب ہو گا اور انشاء اللہ پاکستان تحریک انصاف کی حکومت برسر اقتدار آ کر ملک کو بحرانوں سے نکال دیں گے ، اور صحیح معنوں میں قائداعظم کا حقیقی پاکستان بنائیں گے اور عوام جو بھی وعدے کیے جائینگے انہیں پورا بھی کیا جائے گا ، اب عوام ان لیٹروں کے جھانسے میں آنے کو تیار نہیں گذشتہ پانچ سالوں میں کُرب اور اذیت کا ایک ایک لمحہ انہیں یاد ہے وہ 11مئی کو ظالموں کے ساتھیوں اور ظالم حکمرانوں کیخلاف نفرت کا اظہار کریں گے اور پاکستان تحریک انصاف کے امیدواروں کو ہی کامیاب کروائیں گے انہوں نے کہا کہ اپنی پارٹیوں میں کارکنوں کے ساتھ عدل نہ کرنے والے قوم کے ساتھ بھی انصاف نہیں کر سکیں گے، ہم سب کو قائد انقلاب عمران خان کا ساتھ دینا ہے اور آنے والی نسل کا مستقبل محفوظ بنانا ہے ، اس موقع پر معززین علاقہ کی کثیر تعداد بھی موجود تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یوتھ کو ساتھ لیکر ضلع گجرات کو پاکستان کا سب سے بہترین ضلع بنا دینگے
گجرات (جی پی آئی)یوتھ کو ساتھ لیکر ضلع گجرات کو پاکستان کا سب سے بہترین ضلع بنا دینگے ، نوجوان محنت کریں تو گجرات کو ترقی یافتہ شہر بنانے سے کوئی نہیں روک سکتا ، ان خیالات کا اظہار ینگ جنریشن کے محب وطن اور جرات مند لیڈر چوہدری حسین الٰہی نے یونین کونسل ماڑی کھوکھراں میں انتخابی میٹنگ سے خطاب کرتے ہوئے کیا انہوں نے کہا کہ مخالفین چوہدری وجاہت حسین کو حلقہ سے آئوٹ کرنا چاہتے تھے حلقہ کے لوگ کو چوہدری ظہور الٰہی شہید کے دیوانے ہیں ، ظہور الٰہی شہید کو لوگوں کے دلوں سے کیسے نکالوں گے ، ظہور الٰہی شہید کا نام لوگوں کے دلوں کی دھڑکن بن چکا ہے ، اور حلقہ کا ہر شخص چوہدری وجاہت حسین ہے تم کس کس کو حلقہ سے نکالوں گے ، 11مئی آ نے والا ہے مخالفین کو اپنی حیثیت کا اندازہ ہو جائیگا ، ہم الیکشن سے پہلے بھی عوامی خدمت اور تابعداری کرتے رہے ہیں اور آئندہ بھی خدمت اور تابعداری کرتے رہیں گے ، چوہدری ظہور الٰہی شہید کے مشن کی تکمیل کیلئے کوشاں ہیں ، اکٹھ سے سابق ناظم ملک نعیم نے خطاب کرتے ہوئے کہا کہ الیکشن کے دنوں میں فضلی بیٹرے ادھر ادھر گھوم رہے ہیں ، اہل علاقہ کے عوام کی خدمت ہمیشہ چوہدری برادران نے کی ہے ، انشاء اللہ چوہدری برادران کو ریکارڈ ووٹوں کی لیڈ سے کامیاب کروائیں گے ، ملک محمد طارق نے خطاب کرتے ہوئے کہا کہ حسین ہائوس عوامی مسائل کے حل کیلئے بنایا گیا ہے ، انشاء اللہ ہم پہلے سے بڑھ کر الیکشن میں لیڈ لیکر 11مئی کو چوہدری برادران کے پاس جائیں گے اور بتا دینگے کہ یونین کونسل ماڑی کھوکھراں مسلم لیگ قائداعظم کا گڑھ ہے ، انتخابی میٹنگ سے ملک ارشد ، ملک یوسف ، ظفر مہندی ، قیصر ، مظہر زمان ، کاشف مسعود نے بھی خطاب کیا ، چوہدری حسین الٰہی کے قافلے میں چوہدری مسعود ، مرزا عمران بیگ ، بلال وڑائچ ، چوہدری عبدالرحمن ، چوہدری مستنصر اقبال ، عبدالرزاق کھوکھر ، چوہدری شمشاد شبر آف نت ، صحافی سجیل خان و دیگر شامل ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری مبشر حسین کی اہلیہ نے گزشتہ روز یوسی 49ریلوے روڈ گجرات کا انتخابی دورہ کیا
گجرات ( جی پی آئی) پاکستان مسلم لیگ ن کے امیدوار حلقہ این اے 105چوہدری مبشر حسین کی اہلیہ نے گزشتہ روز یوسی 49ریلوے روڈ گجرات کا انتخابی دورہ کیا اور ڈور ٹو ڈور عوامی رابطہ مہم کے سلسلہ میں عوام سے رابطہ کیا انہوں نے اپنے دورہ کے دوران سابقہ ممبر ضلع کونسل اور ممتاز مسلم لیگی راہنما بیگم سائرہ امتیاز سید کی رہائشگاہ پر جا کر ان کی عیادت کی اور مختلف سیاسی امور پر تبادلہ خیال بھی کیا چوہدری مبشر حسین کی اہلیہ کا یوسی 49میں عوامی رابطہ مہم کے دوران شاندار استقبال کیا گیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بسم اللہ ویلفیئر آرگنائزیشن کے زیر اہتمام فری میڈیکل کیمپ 28اپریل بروز اتوار کو دن دس بجے کالرہ کلاں میں لگایاجائے گا
گجرات ( جی پی آئی) بسم اللہ ویلفیئر آرگنائزیشن کے زیر اہتمام فری میڈیکل کیمپ 28اپریل بروز اتوار کو دن دس بجے کالرہ کلاں میں لگایاجائے گا ،جس کا افتتاح معروف سیاسی وسماجی شخصیت طارق سلامت کرینگے ان خیالات کا اظہار تنظیم کے صدر علی زیب ناصرنے میٹنگ میں اپنے خیالات کا اظہار کرتے ہوئے انہوں نے کہا کہ ہم عوامی خدمت کیلئے عملی طور پر کوشاں ہیں اور انسانیت کی خدمت میں ہی قلب سکون حاصل ہوتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آل پاکستان فیڈریشن آف یونائٹیڈ ٹریڈ یونینز ( APFUTU) کے زیر اہتمام یوم مئی کے موقع پر مزدور ریلی نکالی جائے گی
گجرات ( جی پی آئی)آل پاکستان فیڈریشن آف یونائٹیڈ ٹریڈ یونینز ( APFUTU) کے زیر اہتمام امسال بھی یوم مئی کے موقع پر مزدور ریلی نکالی جائے گی جس میں مختلف شعبہ ہائے زندگی سے تعلق رکھنے والے محنت کش اور مزدور شرکت کریں گے ریلی کی قیادت مزدور راہنما پیر زادہ امتیاز سید کریں گے ،یاد رہے کہ ( APFUTU)گزشتہ 21سالوں سے گجرات سمیت ملک بھر میں محنت کش اور مزدور طبقہ کیلئے خدمات سرانجام دے رہی ہے آئی ایل او سمیت مختلف عالمی تنظیمیں بھی یونین کی راہنمائی کر رہی ہیں اور پاکستان میں مزدور کی حالت زار پر ہر سال فیڈریشن کی جانب سے باقاعدہ رپورٹ جاری کی جاتی ہے اور سارا سال مختلف قسم کے پروگرام بھی کئے جاتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گورالہ برادران کو پاکستان مسلم لیگ ق میں شمولیت پر خوش آمدیدکہتے ہیں :سید ضمیر حسین شاہ
گجرات ( جی پی آئی) پاکستان مسلم لیگ کے راہنما سید ضمیر حسین شاہ آف معین الدین پور نے گورالہ برادران کو پاکستان مسلم لیگ ق میں شمولیت پر خوش آمدید کہتے ہوئے کہا ہے کہ گورالہ برادران نے پاکستان مسلم لیگ ن کی قیادت پر جو عدم اعتماد کا اظہار کیا ہے اس سے یہ بات ثابت ہو گئی ہے کہ میاں برادران صرف اپنی ذات کے بارے میں سوچتے ہیں ان کو پارٹی کیلئے قربانیاں دینے والے افراد سے کوئی لینا دینانہیں چوہدری برادران کی قیادت اس بات کا ثبوت ہے کہ وہ ورکروں ،سپوٹروں ،ووٹروں اور حلقہ کی عوام سے بے لوث محبت کرتے ہیں اور ضلع گجرات کی ترقی میں چوہدری برادران کا اہم کردار رہا ہے چوہدری برادران کے دروازے ہر دور میں عوام کیلئے کھلے رہے ہیں ،گورالہ برادران کو ق لیگ میں عزت اور مقام ملے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
APFUTU کے مرکزی صدر سلیمان ریاض چوہدری ایڈووکیٹ نے گزشتہ روز گجرات کا دورہ کیا
گجرات ( جی پی آئی) آل پاکستان فیڈریشن آف یونائٹیڈ ٹریڈ یونینز ( APFUTU)کے مرکزی صدر سلیمان ریاض چوہدری ایڈووکیٹ نے گزشتہ روز گجرات کا دورہ کیا انہوں نے اپنے دورہ کے دوران ووڈورکنگ سنٹر ،ٹی ایم اے اور دیگر صنعتوں کا دورہ کیا اور مزدور تنظیموں کے راہنمائوں سے ملاقاتیں کیں انکے ہمراہ پیرزادہ امتیاز سید ،فراست حسین ڈار ،سید سجاد شاہ اور دیگر سی بی اے یونینز کے راہنما بھی موجود تھے سلیمان ریاض چوہدری نے مزدورتنظیموں کو یقین دلایا کہ انکے حقوق کیلئے صوبائی ،وفاقی ،حکومتوں کے علاوہ عالمی اداروں سے بھی بات چیت کی جائے گی ،اور کوشش کی جائے گی کہ مزدور قوانین کے ساتھ ساتھ انسانی حقوق کے قوانین پر بھی عمل درآمد یقینی بنایاجاسکے اور یونین کی مشاورت سے لیبر پالیسی مرتب کی جائے گی ناکہ صرف سیاسی آقائوں کو خوش کرنے کیلئے لیبر پالیساں بنائیں جائیں انہوں نے کہا کہ سیاسی جماعتوں نے لیبر وننگز بنا رکھے ہیں لیکن وہ لیبر قوانین اور انسانی حقوق کے قوانین سے آشنا تک نہیں اور نہ ہی یہ چاہتے ہیں کہ وہ ملک کی طرح ملک کے مزدور اور محنت کش خوشحال ہوں ،انہوں نے کہا کہ گزشتہ پانچ سالوں میں ڈیڑھ کروڑ سے زائد افراد لوڈ شیڈنگ کی وجہ سے بیروزگار ہوئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تعلیمی اداروں کی واپسی، چرچز کی مرمت اور ریکارڈ فنڈز پاکستان مسلم لیگ کے تاریخی کام ہیں: پرویزالٰہی
گجرات (جی پی آئی) پاکستان مسلم لیگ کے سینئر مرکزی رہنما و قومی اسمبلی کے امیدوار چودھری پرویزالٰہی نے کہا ہے کہ اقلیتوں کیلئے دہرے ووٹ کا حق، تعلیمی اداروں کی واپسی، چرچز کی مرمت اور ریکارڈ ترقیاتی فنڈز پاکستان مسلم لیگ کے تاریخی کام ہیں، ہمارے دور کی خوشحالی واپس لانے اور ترقی کا پہیہ چلانے کیلئے سائیکل پر مہر لگائیں کیونکہ ترقی کا پہیہ چلے گا تو ملک ترقی کرے گا۔ وہ گجرات کے حلقہ این اے 105 میں اقلیتی برادری کے بہت بڑے اجتماع سے خطاب کر رہے تھے۔ انہوں نے کہا کہ اقلیتی برادر ی کا ہمیں شروع سے ہی بہت خیال اور ان کے مسائل کا احساس ہے، ان کا ہمارے ساتھ مضبوط تعلق ہے، مشکل حالات میں بھی انہوں نے ہمارا ساتھ دیا جسے ہم فراموش نہیں کر سکتے۔ انہوں نے کہاکہ قائداعظم کے اصولوں اور قول کے مطابق اقلیتوں کو پہلی بار دوہرے ووٹ کا حق پاکستان مسلم لیگ نے لے کر دیا کیونکہ آپ اتنے ہی پاکستانی ہیں جتنے اور لوگ، بطور چیف منسٹر میں نے ایف سی کالج سمیت 50 مشنری ادارے واپس کئے جن میں فورمین کرسچین کالج (ایف سی کالج) بھی شامل ہے۔ انہوںنے کہاکہ چودھری شجاعت حسین اور میں نے ایف سی کالج سے تعلیم حاصل کی جو اب بہترین یونیورسٹی ہے ہم نے اسے اصل شکل میں لانے کیلئے 40 کروڑ روپے کے فنڈز دئیے۔ چودھری پرویزالٰہی نے کہاکہ پنجاب میں اقلیتوں کیلئے وزارت ہم نے پہلی بار رکھی اور ملازمتوں میں کوٹہ دیا جبکہ ن لیگ کی حکومت کے اقلیتی برادری کے ساتھ ناروا سلوک کے ثبوت گوجرہ، قصور، سیالکوٹ اور بادامی باغ کے واقعات ہیں جو شہبازشریف کی بیڈ گورننس کا منہ بولتا ریکارڈ ہیں، شہبازشریف نے جوزف کالونی کے متاثرین کو جو چیک دیئے تھے وہ آج تک کیش نہیں ہوئے، کسی عام آدمی کا چیک ڈس آنر ہو تو اس کے خلاف مقدمہ درج ہوتا ہے۔ انہوں نے کہا کہ ہم نے جب حکومت چھوڑی تو 100 ارب روپے خزانے میں موجود تھے، آج صوبہ 500 ارب کا مقروض ہے اس لئے مقروض صوبے کے چیک کہاں سے کیش ہوتے، صحت اور تعلیم کے فنڈز بھی شہباز شریف نے جنگلہ بس پر لگا دیئے جس سے ان دونوں شعبوں میں بھی برا حال ہے، ہمیں دوبارہ موقع ملا تو واپس آکر ہم سارے معاملات ٹھیک کر دیں گے، گجرات یونیورسٹی جیسی مزید یونیورسٹیاں، کارڈیالوجی ہسپتال اور عوامی فلاح کے ادارے بنائیں گے۔ انہوںنے کہاکہ نواز، شہباز شریف کو عوام نے 3 بار موقع دیا، آخری 5 سال یہ ابھی مکمل کر کے گئے ہیں اور ان کی ناقص کارکردگی سب کے سامنے ہے، خدارا اپنے بچوں کو ان کے بنیادی حقوق اور سہولتوں سے محروم نہ کریں اور سوچ سمجھ کر کارکردگی کی بنیاد پر اپنا ووٹ دیں۔ چودھری پرویزالٰہی نے کہاکہ ہم اقلیتوں کیلئے خصوصی اقدامات کریں گے، ترقی و خوشحالی کا دور واپس لائیں گے۔ سابق وفاقی وزیر مملکت اکرم مسیح گل اور فادر طارق بھٹی نے کہاکہ چودھری شجاعت حسین وہ پہلے سیاستدان تھے جو سانحہ گوجرہ پر یکجہتی کیلئے پہنچے، اقلیتی برادری کیلئے جتنی ہمدردی چودھری شجاعت حسین اور چودھری پرویزالٰہی اپنے دل میں رکھتے ہیں کوئی اور نہیں رکھتا، وہ ہمارے سب سے بڑے محسن ہیں اس لیے ہمارا فرض ہے کہ پاکستان مسلم لیگ کو بھاری اکثریت سے کامیاب کروائیں۔ سابق وفاقی وزیر تعلیم امیدوار پی پی 111 میاں عمران مسعود نے کہاکہ چودھری پرویزالٰہی کی حکومت بابا گورونانک یونیورسٹی، گندھارا آرٹ یونیورسٹی پر کام کر رہی تھی، ہم کامیابی کے بعد دوبارہ اس منصوبہ کو عملی شکل دیں گے، اقلیتی برادری کیلئے جتنے کام چودھری پرویزالٰہی نے کئے ہیں اتنے کوئی اور نہیں کر سکتا۔ انہوں نے کہا کہ یہ کہاں کا انصاف ہے کہ جعلی ڈگری والا اصلی ڈگری ہولڈر سے مقابلہ کرے۔ اجتماع سے سسٹر نسیم نیامت، جیمس ناز، ولیم پرویز اور جیک پال نے بھی خطاب کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شفاف اور غیر جانبدارانہ الیکشن کاانعقاد حکومت اور انتظامیہ کی اولین ترجیح ہے:طارق نجیب نجمی
گجرات(جی پی آئی)کمشنر گوجرانوالہ ڈویژن طارق نجیب نجمی نے کہا ہے کہ شفاف اور غیر جانبدارانہ الیکشن کاانعقاد حکومت اور انتظامیہ کی اولین ترجیح ہے، انتخابی عمل پر کڑی نظر رکھی جائے اور الیکشن کمشن کے ضابطہ اخلاق پر عملدرآمد یقینی بنایا جائے۔ان خیالات کااظہار انہوں نے ڈی سی او آفس میں اعلی سطحی اجلاس سے خطاب کرتے ہوئے کیا ہے۔ڈی سی او آصف بلال لودھی ،ڈسٹرکٹ الیکشن کمشنر ماجد شریف ڈوگر ، ای ڈی اوز، ڈی اوز سمیت تمام محکموں کے ضلعی سربراہان نے اجلاس میں شرکت کی۔کمشنر نے سرکاری افسران اور ملازمین کو ہدایت کی کہ وہ ہر قسم کی سیاسی سرگرمیوں سے دور اور غیر جانبدار رہیں اور واضع کیا کہ کسی اہلکار کے خلاف شکایت کی صورت میں بغیر کسی تحقیقات یا انکوائری اسے فوری سیٹ سے ہٹا دیا جائے گا۔کمشنر نے ای ڈی او ایجوکیشن اور دیگر محکموں کے افسران سے کہا کہ الیکشن ڈیوٹی پر مامور افسران اور ملازمین کو فوری ہدایات جاری کریں کہ الیکشن ڈیوٹی کے لئے تربیت ، ریٹرننگ افسران سے الیکشن کا سامان لینے اور پولنگ اسٹشنوں پر پہنچنے کے عمل میں پابندی وقت کا خاص خیال رکھیں کیونکہ ایسا نہ کرنے کی صورت میںانتظامی اور لاء اینڈ آرڈر کے مسائل پید ا ہو سکتے ہیں۔کمشنر نے ضلع گجرات میں حالیہ انسداد پولیو مہم پر اطمینان کا اظہار کیا اور خسرہ اور ڈینگی پر کنٹرول کے لئے فوری موثر اقدامات کی ہدایت کی۔انہوں نے ای ڈی او ہیلتھ کو ہدایت کی کہ الیکشن کے پیش نظر تما م سرکاری ہسپتالوں میں خصوصی وارڈ مختص کئے جائیں تاکہ کسی بھی ہنگامی صورتحال سے نمٹا جا سکے۔کمشنر نے ٹائون میونسپل آفیسر کو ہدایت کی کہ وہ شہر میں صفائی کی صورتحا ل پر خصو صی توجہ دیں ، بالخصوص پولنگ اسٹشنوں کے قرب و جوار میں ملبہ، پتھر، جھاڑیوں کی صور ت میں عارضی تجاوزات کا فوری خاتمہ کیا جائے۔کمشنر نے محکمہ خوراک کے افسران کو ہدایت کی کہ گندم خریداری مہم کے اہداف کے حصول کے لئے تما م توانائیاں برئوے کار لائی جائیں تاکہ کسان کو اسکی محنت کا بہترین انداز میں معاوضہ مل سکے۔انہوں نے سرکاری سکولوںمیں بعض نصابی کتب کی فراہمی کا مسئلہ حل کرنے کے لئے فوری اقدامات کی بھی ہدایت کی۔قبل ازیں کمشنر کو بریفنگ دیتے ہوئے ڈی سی او آصف بلال لودھی نے بتایا کہ ضلع گجرات میں انتخابی عمل کے شفاف انعقاد کے لئے تما م ضروری اقداما ت برئوے کار لائے جارہے ہیں۔انہوں نے بتایا کہ ضلع بھر میں قائم 1157پولنگ اسٹشنوں کا دوبارہ جائزہ لیا گیا ہے اور مزید 135پولنگ اسٹشنوںکو حساس قرار دے دیا گیا ہے جس کے بعد ضلع میں حساس پولنگ اسٹشنوںکی تعداد 240ہوگئی ہے۔انہوںنے بتایا کہ پولنگ اسٹشنوں کو حساس قرار دینے کے لئے تمام تر زمینی حقائق کو مد نظر رکھا گیا ہے۔انہوں نے بتایا کہ پولنگ سٹاف کی نقل و حمل کے لئے 400گاڑیوں کی ضرورت ہوگی جنکی فراہمی کے لئے ٹرانسپورٹرز سے رابطہ کر لیا گیا ہے جبکہ ان گاڑی مالکان کو ادائیگی بھی کی جائے گی۔انہوں نے کمشنر کو دیگر محکموں کے امور بارے بھی تفصیل سے آگا ہ کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈاکٹر طارق سلیم ، چوہدری انصر محمود ایڈووکیٹ کی انتخابی مہم کے سلسلہ یونین کونسل 49 میں کارنر میٹنگ منعقد ہوئی
گجرات(جی پی آئی)ڈاکٹر طارق سلیم ، چوہدری انصر محمود ایڈووکیٹ کی انتخابی مہم کے سلسلہ یونین کونسل 49 میں عابد ملہی کیطرف سے کارنر میٹنگ کا احتمام کیا گیا۔ یونین کونسل سے معزرین سیاسی سماجی شخصیات کی بڑے پیمانے پر شرکت اجتماع سے خطاب کرتے ہوئے ڈاکٹر طارق سلیم نے کہا سابقہ حکمرانوں اور ان کی کارکردگی کے ستائے عوام اب تبدیلی چاہتے ہیں ۔ کرپٹ سیاسیدانوں سے نجات ہی کو منزل قرار دیتے ہیں ۔ اس لیے قوم کے خون پسینے کی کمائی لوٹ لینے والے حکمران اور ان کے تماشے ایک بار پھر لوٹی ہوئی دولت کی بنیاد پر پھر جال میں لے کر دوبارہ قوم کی گردنوں پر مسلط ہونا چاہتے ہیں ۔ ڈاکٹر طارق سلیم نے کہا اب عوام ان کے چھانسے میں آنے کو تیار نہیں گذشتہ پانچ سالوں میں کُرب اور اذیت کا ایک ایک لمحہ انہیں یاد ہے وہ 11مئی کو ظالموں کے ساتھیوں اور ظالم حکمرانوں کیخلاف نفرت کا اظہار کریں گے ڈاکٹر طارق سلیم نے کہا اپنی پارٹیوں میں کارکنوں کے ساتھ عدل نہ کرنے والے قوم کے ساتھ بھی انصاف نہیں کر سکیں گے۔ چوہدری انصر محمود ایڈووکیٹ نے کہا گجرات کے عوام کو ہراقتدار میں رہنے والی بڑی پارٹیوں نے محرومیوں اور مسئل کے سواء کچھ نہیں دیا یہی وجہ ہے کہ اب جلسوں کے نام پر ان کی جلسیاں انہیں الیکشن سے پہلے ہی عوام کے مُوڈ کا پتہ دے رہی ہیں۔ 11مئی کو ترازو پرمہر لگائیںعدل انصاف پر مبنی معاشرے کے قیام کے لئے بنیاد رکھیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری مونس الہی نے یونین کونسل گولیکی ،کو ٹ موجدین ،نتھو کوٹ،کوٹ قطب دین،ترکھا ،ودیگر موضع کا طوفانی دورہ کیا
گجرات(جی پی آئی)چوہدری مونس الہی امیدوار پی پی 110نے گزشتہ روز یونین کونسل گولیکی موضع قاسم آباد،کو ٹ موجدین ،نتھو کوٹ،کوٹ قطب دین،ترکھا ،ٹالی صاحب ودیگر موضع کا طوفانی دورہ کیامختلف جگہوں پر کارنر میٹنگ میںچیمہ برادری،گھمن برادری،گوندل برادری،بگا برادری،گورائے،بخشا برادری،سید برادری،رحمن برادری،سپرا برادری،ارائیں برادری وڑائچ برادری کی اہم شخصیات میں چوہدری صفدر ممتاز سندھو،مہر اشرف ارائیں،مہر افضل ارائیں،حاجی محمد اسلم ارائیں،چوہدری فیاض احمد چیمہ،عمر فاروق وڑائچ،سہیل ظفر وڑائچ،بلال پرویز ،چوہدری دلاور،حاجی محمد اصغر،چوہدری صفدر ،چوہدری اختر،چوہدری سلیم،الحاج محمدصدیق،محمود الحسن قذافی،اقبال وڑائچ،شعیب وڑائچ،عارف بٹ،آصف بٹ،جمیل وڑائچ،چوہدری محمد یوسف طاہر چیئرمین،ثناء اللہ گوندل،محمد ارشد گوندل،چوہدری فاروق وڑائچ،طاہر وڑائچ،ریاض گوندل،عشرت حسین،محمد افضل،ٹھیکیدار مختار،ملک عنصر،افتخار احمد کالروی،چوہدری شوکت بولا،چوہدری محمد حسین،حاجی محمد اکرم باجوہ،حاجی محمد عنائیت،چوہدری محمد حسین گھمن،چوہدری سعید محمد گوندل،چوہدری مدثر اقبال سندھو،چوہدری نزر احمد،حسن گوندل،سید فرزند علی شاہ،طارق بٹ،صدیق بٹ،سجاد بٹ،محمد حسین انصاری،فاروق چیمہ،ڈپٹی حمید،محمد ارشد متہ،صوبیدار میجر،ولائیت خان،افضل گوندل،غلام حسین ساہی،شمریز نت،چوہدری پرویز اقبال سابق ناظم شادیوال،چوہدری عارف،چوہدری رفاقت عارف ظفر،چوہدری ظفر گجر،چوہدری رزاق وڑائچ،چوہدری طالب گجر،ساجد محمود گجر عرف مٹھو،نواز گجر،یوسف گجر،ڈاکٹر طارق،مولوی عزیز،ملک طارق،چوہدری ارشاد،دلشاد گجر کے علاوہ نے حمایت کا اعلان کردیاان تمام برادریوں نے متفقہ طور پر اعلان کیا کہ ہم تن من دھن سے چوہدری پرویز الہی اور چوہدری مونس الہی کے ساتھ ہیں انشاء اللہ گیارہ مئی کو سائیکل پر مہر لگا کر ثابت کرینگے کہ یونین کونسل گولیکی چوہدری برادران کا قلعہ ہے چوہدری مونس الہی کے ہمراہ چوہدری جاوید ماجرہ،طاہر ترکھا،طارق دراجی،چوہدری ذوالفقارپپن،چوہدری عمران اسلم وڑائچ،صاحبزادہ عتیق الرحمٰن صدر پریس کلب فرانس ،چوہدری وارث،نصیر سندھو ودیگر بھی تھے
