آزاد کشمیرکی خبریں 11.03.2013
Posted on March 12, 2013 By Geo Urdu سٹی نیوز
راجہ شیر افگن خان کے میجر جنرل کے عہدے پر ترقیاب ہونا بھمبرکیلئے بڑے اعزاز کی بات ہے:راجہ طاہر عاشق
بھمبر(جی پی آئی)راجہ شیر افگن خان کے میجر جنرل کے عہدے پر ترقیاب ہونا بھمبرکیلئے بڑے اعزاز کی بات ہے بھمبر کی سرزمین بڑی زرخیز ہے اس دھرتی نے بڑے بڑے نامور شخصیا ت کو جنم دیا ہے ان خیالات کااظہار صدرریاست کے سابق پولیٹیکل سیکرٹری راجہ طاہر عاشق ،راجہ فہیم اختر آف بڑھنگ ،صدرصرافہ یونین بھمبرراجہ شوکت علی مغلورہ،سیاسی و سماجی راہنما راجہ عطاء المنعم ،صدرکشمیر پریس کلب راجہ نعیم گل نے راجہ شیر افگن خان کو میجر جنرل کے عہدے پر ترقیاب ہونے پرمبارکبادی پیغام میں کیا انہوں نے کہاکہ ہم توقع کرتے ہیں کہ میجر جنرل شیر افگن خان اپنی صلاحیتوں کو بروئے کار لاتے ہوئے ملکی دفاع کو ناقابل تسخیر بنائے اوع اپنے علاقے کی عزت وقار میں اضافہ کا باعث بنیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کشمیر پریس کلب بھمبرکا ایک تعزیتی اجلاس زیر صدارت راجہ نعیم گل منعقد ہوا
بھمبر(جی پی آئی)کشمیر پریس کلب بھمبرکا ایک تعزیتی اجلاس زیر صدارت راجہ نعیم گل منعقد ہوا اجلاس میں سپرنٹنڈنٹ جیل راجہ امجد ارشاد کی اچانک وفات پر گہرے دکھ و رنج کااظہار کرتے ہوئے مرحوم کے درجات کی بلندی کیلئے دعائے مغفرت اور پسماندگان کیلئے دعائے صبر وجمیل کی اجلاس میں ناصر شریف بٹ،طارق محمود ثاقب ،عزیز زالرحمن ناز،چوہدری خالد حسین ایڈووکیٹ ،ڈاکٹر طارق شاکر ،ملک شوکت حسین ،عاطف اکرم،جہانگیر پاشا،قاضی انصر زمان،مرزاندیم اختر،ظہور احمد رضا،سلیم ساگر ،فیصل صغیرشمیم ،عابد زبیر،یاسین تبسم ،شیراز پرویز مشتاق،وسیم
نذر،مرتضیٰ گیلانی،وحید مراد،محمد ارشد سمیت دیگر نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ماسٹر محمد مالک کی والدہ محترمہ کی وفات پر ممتاز شخصیات کا اظہار تعزیت
بھمبر(جی پی آئی)چیف ایگزیکٹو انسائیٹ ماڈل کالج عمر گل،پروفیسر فہیم گل،پروفیسر طارق بھٹی ،پروفیسر عارف،پروفیسر شکیل احمد،وسیم گل نے مشترکہ بیا ن میں ماسٹر محمد مالک کی والدہ محترمہ ،چوہدری محمد اسلم بنڈالوی کی بھابھی اور چوہدری محمد یونس کالچھوی کی خوش دامن کی اچانک وفات پر گہرے دکھ و غم کا اظہار کرتے ہوئے مرحومہ کے درجات کی بلندی کیلئے دعائے مغفرت اور پسماندگان کیلئیے دعائے صبروجمیل کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آزادکشمیرکے سابق وزیراعظم بیرسٹرسلطان محمودچوہدری نے ڈپٹی کمشنر نیلم راجہ ثاقب منیرکی وفات پراظہار تعزیت کیا
بھمبر(جی پی آئی)آزادکشمیرکے سابق وزیراعظم بیرسٹرسلطان محمودچوہدری نے ڈپٹی کمشنر نیلم راجہ ثاقب منیرکی وفات پر ان کے گھر بنڈالہ سماہنی میں جاکر مرحوم کے ایصال ثواب کے لیے دعاکی اور ان کے والد ماجد حاجی راجہ منیراللہ خان اور ان کے ماموں وسسر ڈپٹی ڈائریکٹراطلاعات راجہ اظہراقبال سے اظہار تعزیت کرتے ہوئے کہاکہ ڈپٹی کمشنرراجہ ثاقب منیر نہایت ہی قابل دیانتدار، لائق افسر اور بہت اچھے منتظم تھے ۔ انھوں نے اپنی خداداصلاحیتوں کے بل بوتے پر نہ صرف سول سروس بلکہ پورے آزادکشمیرمیں اپنا اور اپنے خانداد کا نام روشن کیا۔ مرناتوہرشخص نے ہے لیکن راجہ ثاقب منیر کی موت نے جس طرح پورے آزادکشمیرکوسوگوارکیا وہ ان کا اخلاق حسنہ تھا ان کی وفات سے نہ صرف ان کے خاندان بلکہ آزادکشمیر کا یہ خطہ ایک اعلیٰ صلاحیتوں کے مالک انسان اور افسر سے محروم ہوگیاہے۔انھیں جتنابھی خراج عقیدت پیش کیاجائے کم ہے۔ سابق وزیراعظم کے ہمراہ سابق ممبرکشمیرکونسل حمیدپوٹھی،
سابق امیدواراسمبلی حلقہ سماہنی چوہدری محمدرزاق، ڈپٹی ایڈمنسٹریٹر میونسپل کارپوریشن میرپور امجداقبال چوہدری اور پیپلزپارٹی کے دیگرافراد تھے۔ جنھوں نے بھی ڈپٹی کمشنر نیلم راجہ ثاقب منیر کے اوصاف حمیدہ کو زبردست الفاظ میں خراج عقیدت پیش کیااور سوگوارخاندان سے اظہارتعزیت کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈپٹی کمشنر نیلم راجہ ثاقب منیرجن خداداد صلاحیتوں کے مالک اور اعلیٰ پائے کے منتظم آفیسر تھے:شوکت مجید ملک
بھمبر(جی پی آئی)آزادکشمیرکے سیکرٹری اطلاعات وانفارمیشن ٹیکنالوجی شوکت مجید ملک نے کہاہے کہ ڈپٹی کمشنر نیلم راجہ ثاقب منیرجن خداداد صلاحیتوں کے مالک اور اعلیٰ پائے کے منتظم آفیسر تھے ان جیسی صلاحیتیں سول سروس میں کم ہورہی ہیں۔ انھوں نے اپنی مختصرعمراور سروس میں مشکل سے مشکل ٹاسک کو نہایت ہی خوش اسلوبی سے پوراکرکے سول سروسز کے افسران کے لیے خدمت کی نئی سمت متعارف کروائی ہے اس سمت پرپورااترنا دیگرافسران کے لیے بڑاچیلنج ہے ان کی وفات سے خطہ ایک فرض شناس بہادر خوبصورت اور خوب سیرت افسرسے محروم ہوگیاہے جوخود توچلاگیا لیکن سب کو افسردہ کرگیا۔ اللہ تعالیٰ انھیںاپنے جواررحمت میں جگہ دے۔ سیکرٹری اطلاعات وانفارمیشن ٹیکنالوجی شوکت مجید ملک ڈپٹی کمشنرراجہ ثاقب منیر کے گھربنڈالہ میں مرحوم کی روح کے ایصال ثواب کے لیے فاتحہ خوانی کرنے کے بعد گفتگوکررہے تھے۔ اس موقع پر سماہنی چوکی کے صحافیوں، صدرسید مظہرحسین جعفری، سینئرصحافی راجہ غلام محی الدین، صدر راجہ ساجد، ڈاکٹرمحمداسحاق، راشد راج،امجد عزیز کاشر کے علاوہ دیگرپریس نمائندگان اور معززین علاقہ بھی موجود تھے۔ سیکرٹری اطلاعات شوکت مجید ملک نے حاجی راجہ منیراللہ خان اور مرحوم کے ماموں ڈپٹی ڈائریکٹراطلاعات راجہ اظہراقبال سے کہاکہ راجہ ثاقب منیر سول سروس میں وہ روشن ستارہ تھا جس نے پورے آزادکشمیرکے عوام کو اپنی طرف متوجہ کیاہواتھا۔ آزادکشمیرکی حکومت ،بیوروکریسی کے ساتھ ساتھ عسکری
قیادت نے بھی راجہ ثاقب منیر کی خداداد صلاحیتوں کا جس طرح اعتراف کیاہے اس سے مرحوم کے خاندان کا سرفخر سے بلند ہے۔ موت اٹل حقیقت ہے اس سے کوئی انکار نہیں کر سکتا لیکن جس طرح ڈپٹی کمشنرراجہ ثاقب منیرکی شہادت کے بعد اآزادکشمیر کے لوگوں نے انھیں خراج عقیدت پیش کرکے کیاہے اس کے مثال نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈپٹی کمشنرنیلم راجہ ثاقب منیرکی وفات پر ان کے آبائی گائوں بنڈالہ میں آکر اظہارتعزیت کرنے والوں کا تانتا
بھمبر(جی پی آئی)ڈپٹی کمشنرنیلم راجہ ثاقب منیرکی وفات پر ان کے آبائی گائوں بنڈالہ میں آکر اظہارتعزیت کرنے والوں کا تانتا۔ پہلے روز کی طرح آزادکشمیر اور پاکستان سے سینکڑوں لوگ روزانہ ان کے گھر پر انھیںخراج عقیدت پیش کررہے ہیں۔ تعزیت کرنے والوں میں آزادکشمیرکے وزیر زراعت وامورحیوانات سرداراخترحسین ربانی، آزادکشمیرہائی کوٹ کے جج جسٹس چوہدری منیر، چیئرمین احتساب بیورو سردار رفیق محمود ،شریعت کورٹ کے جج جسٹس مشتاق حسین، ڈسٹرکٹ اینڈ سیشن جج شیخ راشدمجید، ڈسٹرکٹ اینڈ سیشن جج راجہ راشد نسیم، سابق ڈسٹرکٹ اینڈ سیشن جج شیخ عبدالمجید، ڈائریکٹر جنرل زراعت طارق مسعود، آزادکشمیر نیوس پیپرایسوسی ایشن کے صدر وسینئرصحافی عامرمحبوب، سابق ڈائریکٹر زراعت مرزاخالد محمود، ڈائریکٹر ماحولیات ڈاکٹر اورنگزیب ، ایس ای مظفرآباد اسلم اعوان، ایکسین خواجہ مسعود، اسلام آباد سے راجہ عارف خان، راجہ عمرخان، پیپلز پارٹی شہیدبھٹو کے صدر چوہدری منیرحسین ایڈووکیٹ، ممتاز قانون دان راجہ محمدزبیر ایڈووکیٹ، حافظ ارشد ایڈووکیٹ، سینئرسحافی راجہ ممتاز خان، ڈپٹی کمشنر نیلم ، ایڈیشنل ڈپٹی کمشنر جنرل مظفرآباد کے سٹاف سمیت دیگرافراد شامل تھے۔ جنھوں نے مرحوم کی روح کے ایصال ثواب اوردرجات کی بلندی کے لیے دعاکی اوران کے والد ماجد حاجی راجہ منیراللہ خان اورماموں ڈپٹی ڈائریکٹراطلاعات راجہ اظہراقبال خان کے ساتھ دلی اظہارتعزیت کرتے ہوئے ڈپٹی کمشنرراجہ ثاقب منیرکوزبردست الفاظ میں خراج
عقیدت پیش کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری قمر زمان کائرہ ، رانا فاروق سعید اور ندیم اصغر کائرہ نے راجہ امجد ارشاد کی وفات پر اظہار افسوس کیا
بھمبر(جی پی آئی)وفاقی وزیراطلاعات ونشریات قمرالزمان کائرہ، وفاقی وزیررانا فاروق سعید اور ایم پی اے ندیم اصغرکائرہ نے جیل سپرنٹنڈنٹ راجہ امجد ارشاد کی وفات پر ٹیلی فون کرکے ان کے بیٹے راجہ حسیب امجداور ان کے چچا وزیراعظم آزادکشمیرکے سابق پولیٹیکل سیکرٹری راجہ فیاض خان سے اظہار تعزیت کیااور نھیں خراج عقیدت پیش کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز شخصیات نے سپرنٹنڈنٹ جیل راجہ امجدارشادکی وفات پر اظہار تعزیت کیا
بھمبر(جی پی آئی )سپرنٹنڈنٹ جیل راجہ امجدارشادکی وفات پر آزادکشمیرکے وزیرجیل خانہ جات راجہ واجدالرحمان، ممبرکشمیرکونسل راجہ بابرعلی ذوالقرنین ، ایس ایس پی بھمبرسردارمحمدالیاس، ایس پی شہریارسکندر،چیف افسر چوہدری غلام یاسین نے ان کے گھربڑھنگ جاکرفاتحہ خوانی کی اور سوگوارخاندان سے اظہارافسوس کیا۔ اس موقع پر وزیرحکومت راجہ واجد الرحمان نے سپرنٹنڈنٹ جیل راجہ امجدارشادکی انتظامی صلاحیتوں کو خراج عقیدت پیش کرتے ہوئے کہاکہ مرحوم ایک باصلاحیت آفیسر تھے۔ انھوں نے ہمیشہ قانون وضوابط کی پاسداری کی اور ڈسپلن کو ترجیح دی مرحوم جن اوصاف حمیدہ کے مالک تھے اللہ تعالیٰ ان کو جوارحمت میں جگہ عطافرمائے اور پسماندگان کوصدمہ برداشت کرنے کی توفیق عطافرمائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سپرنٹنڈنٹ جیل راجہ امجدارشادکی رسم قل آج منعقد ہو گی
بھمبر(جی پی آئی)سپرنٹنڈنٹ جیل راجہ امجدارشادکی رسم قل 12 مارچ منگل کے روز ان کے آبائی گائوں بڑھنگ ضلع بھمبرمیں دن گیارہ بجے اداکی جائے گی مرحوم کے صاحبزادے راجہ حسیب امجد اور چچا راجہ فیاض خان نے مرحوم کے تمام دوست واحباب کو شرکت کی دعوت دی ہے۔
