کراچی (جیوڈیسک) کراچی کے مختلف علاقوں میں پولیس کے 2 مبینہ مقابلوں میں 2 افراد ہلاک ہو گئے جبکہ ایک ملزم زخمی حالت میں گرفتار کر لیا گیا جبکہ جیل چو رنگی کے قریب پولیس موبائل پر دستی حملے میں 2 پولیس اہلکار زخمی ہو گئے۔
پولیس کے مطابق مومن آباد تھانے کی حدود میں اسنیپ چیکنگ کے دوران پولیس اور ملزمان کے درمیان فائرنگ کے تبادلے میں 2 دہشت گرد مارے گئے ملزمان کے قبضہ سے اسلحہ ہینڈگرنیڈ اور چھینی ہو ئی گاڑی ملی ہے جبکہ سرجانی ٹاون میں مبینہ پولیس مقابلہ میں اسٹریٹ کرمنل ڈکیت زخمی حالت میں گرفتار کر لیا گیا۔ملزم 3 ڈکیتیوں میں ملوث ہے جسے مدعی نے شناخت کرلیا ہے۔
دوسری جانب پولیس کے مطابق جیل چورنگی کے قریب فیروز آباد تھانے کی موبائل معمول کے گشت پر تھی کہ نا معلوم موٹر سائیکل سوار پولیس موبائل پر کریکر پھینک کر فرار ہو گئے کریکر حملے کے نتیجے میں 2 پولیس اہلکار زخمی ہو گئے جسے اسپتال منتقل کر دیا گیا۔
ملتان میں شدید دھند ، حد نگاہ سو میٹر رہ گئی ، پروازوں کا شیڈول متاثر
سابق کپتان وسیم اکرم بیٹی کے باپ بن گئے
