کراچی (اصل میڈیا ڈیسک) کراچی کے علاقے گلشن حدید میں جشن آزادی کے اسٹال پر کریکر بم حملے میں خاتون سمیت 7 افراد زخمی ہو گئے۔
کریکر حملے کے نتیجے میں زخمی ہونے والے افراد کو طبی امداد کے لیے جناح اسپتال منتقل کر دیا گیا ہے۔
دھماکے کی اطلاع ملتے ہی پولیس، رینجرز اور بم ڈسپوزل اسکواڈ کی ٹیمیں جائے وقوعہ پر پہنچیں جہاں سے بم ڈسپوزل اسکواڈ کو کریکر کے ٹکڑے اور لیور بھی ملا۔
پولیس حکام کا کہنا ہے کہ حملے میں روسی ساختہ آر جی ڈی ون کریکر بم استعمال کیا گیا، کریکر حملہ اس سے قبل ہونے والے کریکر حملوں سے مماثلت رکھتا ہے۔
اس سے قبل جماعت اسلامی کی کشمیر ریلی، ڈی ایس پی گلبہار کے دفتر، سچل میں دکان اور لیاقت آباد 10 نمبر میں احساس سینٹر پر بھی روسی ساختہ بم سے حملہ کیا گیا تھا۔
نیب آفس کے باہر ہنگامہ، مریم اور ان کے شوہر سمیت 188 لیگی رہنماؤں کیخلاف مقدمہ درج
مریم نواز نیب پیشی کیس؛ (ن) لیگ کے 58 کارکن جوڈیشل ریمانڈ پر جیل منتقل
