کراچی (جیوڈیسک) کراچی میں فائرنگ اور پرتشدد واقعات میں چھ افراد جاں بحق اور سات زخمی ہو گئے۔ چاکیواڑہ میں راکٹ حملہ کیا گیا۔ بلدیہ یوسف گوٹھ میں فائرنگ سے ایک شخص جاں بحق ہو گیا۔ سپرہائی وے جنجال گوٹھ میں فائرنگ کر کے ایک شخص قتل کر دیا گیا۔ لیاقت آباد سی ون ایریا میں نامعلوم افراد نے ڈاکٹر غضنفر زیدی کو قتل کر دیا۔
لیاقت آباد دس نمبر بندھانی کالونی سے دو نوجوانوں کی لاشیں ملی ہیں جن کی شناخت طاہر حسین بروہی اور احمد علی بروہی کے نام سے کر لی گئی۔ تین ہٹی میں فلمستان سینما کے قریب فائرنگ سے ایک شخص جاں بحق ہو گیا۔ اورنگی ٹان پانچ نمبر میں فائرنگ سے سات سالہ بچی زخمی ہو گئی۔
ابراہیم حیدری اور تین ہٹی میں فائرنگ سے دو افراد زخمی ہوئے۔ لیاری بہار کالونی میں فائرنگ سے دو افراد اور بغدادی میں بھی فائرنگ سے دو افراد زخمی ہوئے۔ چاکیواڑہ میں راکٹ حملہ کیا گیا تاہم کوئی جانی نقصان نہیں ہوا۔ کھارادر میں دو گروہوں کے درمیان فائرنگ سے خوف و ہراس پھیل گیا۔
اسلام آباد: صدر زرداری اور وزیراعظم نواز شریف کی ملاقات
بھارتی جارحیت کے خلاف قومی اسمبلی میں مذمتی قرارداد منظور
