پشاور (اصل میڈیا ڈیسک) حکومت خیبر پختونخواہ نے کورونا کیسز میں اضافے کے باعث مزید 09 اضلاع میں 23 اگست سے کورونا پابندیاں نافذ کرنے کا اعلامیہ جاری کر دیا۔
نوشہرہ،صوابی،مردان،اپر چترال،لوئر چترال،مانسہرہ،کوہاٹ،کرک،ڈی آئی خان میں 23 اگست سے نئی پابندیوں کا نفاذ ہوگا۔ تمام کاروباری مراکز رات 8 بجے بند ہوں گے۔ ہوٹلوں میں رات 10 بجے تک آوٹ ڈور ڈائننگ کی اجازت ہوگی۔
ہفتے میں 02 دن کاروباری سرگرمیاں بند رہیں گی۔ ضلعی انتظامیہ ان چھٹیوں کا تعین کرینگی۔ ہر قسم کی پبلک ٹرانسپورٹ سخت ایس او پیز کے تحت 50 فیصد سواریوں کیساتھ چلیں گی۔ تمام نجی اور سرکاری دفاتر میں 50 فیصد عملہ کے ساتھ کام ہوگا۔ محکمہ داخلہ خیبر پختونخواہ نے تمام متعلقہ حکام کو مراسلہ جاری کردیا ہے جس کے مطابق مذہبی، ثقافتی،موسیقی اورشادی، کے انڈور پروگرامات پر پابندی لگادی گئی۔ شادی بیاہ کے پروگرامات آوٹ ڈور 300 مہمانوں کیساتھ سخت ایس او پیز کے تحت منعقد کرنے کی اجازت ہوگی۔
یومِ عاشور پر ملک بھر میں جلوس و مجالس، سکیورٹی انتہائی سخت
کورونا لہر پر بند جامعات اور بورڈز پیر سے کھولنے کا فیصلہ
