کراچی (اصل میڈیا ڈیسک) پاکستانی سپر اسٹار ماہرہ خان نے انڈسٹری میں ایک دہائی مکمل ہونے پر اس عرصے میں مداحوں کی جانب سے ملنے والی محبت کا شکریہ ادا کیا ہے۔
انسٹاگرام پر جاری پوسٹ پر اداکارہ نے لکھا کہ دو روز قبل میں نے بطور اداکارہ انڈسٹری میں 10 سال مکمل کر لیے ہیں، میرے دونوں ڈیبیو پراجیکٹس فلم بول اور ڈرامہ سیریل نیت 24 جون 2011 کو ریلیز ہوئے تھے۔
ماہرہ خان نے مداحوں کا شکریہ ادا کرتے ہوئے لکھا کہ اس عرصے میں کئی اتار چڑھاؤ آئے، کئی ایسے لمحات آئے جس میں خود کو تنہا اور ٹوٹا ہوا محسوس کیا جبکہ بہت سے لمحات خوشی کے بھی دیکھے۔
اداکارہ کا کہنا تھا ان سب کے باوجود میرے مداح ساتھ کھڑے رہے، میں ان ساری محبتوں کیلئے بے حد مشکور ہوں، میرا کرشماتی سفر آگے بھی جاری رہے گا۔
ماہرہ کی اس پوسٹ پر کئی معروف شخصیات نے بھی انہیں مبارکباد پیش کی۔
خیال رہے 2006 میں بطور وی جے انڈسٹری میں قدم رکھنے والی ماہرہ نے اداکاری کا آغاز 2011 میں ڈرامہ سیریل نیت اور شعیب منصور کی فلم بول سے کیا۔ اداکارہ کے دونوں پراجیکٹس 10 سال قبل 24 جون کو ریلیز کیے گئے تھے۔
کراچی میں وکیل پر کتوں کا حملہ، مالک کو گرفتار کرنے کا حکم
گیس بحران، مقامی ٹیکسٹائل سیکٹر کا صنعتیں بیرون ملک منتقل کرنے کا فیصلہ
