للیانی کی خبریں 18/1/2014
Posted on January 19, 2014 By Geo Urdu سٹی نیوز
تحریک انصاف کے بانی رہنما سرور خاں میئو کی زیر صدارت مسعود احمد بھٹی کی وفات پر تعزیتی اجلاس و مذمتی ریفرنس، تحریک انصاف کے رہنمائوں و کارکنان کی شرکت
مصطفی آباد/للیانی(نامہ نگار)تحریک انصاف کے بانی رہنما سرور خاں میئو کی زیر صدارت مسعود احمد بھٹی کی وفات پر تعزیتی اجلاس و مذمتی ریفرنس، تحریک انصاف کے رہنمائوں و کارکنان کی شرکت، مسعود احمد بھٹی کے قاتلوں کی فوری گرفتاری کا مطالبہ۔ تفصیلات کے مطابق تحریک انصاف کے بانی رہنما سرور خاں میئو کے زیر صدارت مسعود احمد بھٹی سمیت پانچ افراد کے قتل پر تعزیتی و مذمت اجلاس منعقدہوا۔ اجلاس میں سرور خاں میئو، میاں افضل جتالہ، حامد مختار پٹواری ، بھائی ندیم اختر ودیگر رہنمائوں نے سنیئر رہنما تحریک انصاف حلقہ پی پی175 مسعود احمد بھٹی سمیت پانچ افراد کی وفات پر گہرے دکھ کا اظہار کرتے ہوئے مرحوم کی مغفرت اور لواحقین کیلئے صبر کی دعا کی گئی، مقررین نے اپنے خطاب میں کہا کہ تحریک انصاف کے سنیئر رہنما مسعود احمد بھٹی کو ساتھیوں سمیت دن دہاڑے قتل کیا گیا واقع کی بھرپور مذمت کرتے ہیں اور پنجاب پولیس سے ملزمان کی فوری گرفتاری کا مطالبہ کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
معروف سماجی رہنما سید اسرار احمد زیدی شاہ نے کراچی میٹرک بورڈ کے سامنے نجی ٹی وی چینل کی گاڑی پر ہونیوالی فائرنگ کی شدید الفاظ میں مذمت کرتے ہوئے کہا ہے کہ شدت پسندوں کی جانب سے کی جانیوالی یہ سفاکانہ کاروائی آزادی اظہار کا گلہ گھونٹنے کے مترادف ہے
مصطفی آباد/للیانی(نامہ نگار)معروف سماجی رہنما سید اسرار احمد زیدی شاہ نے کراچی میٹرک بورڈ کے سامنے نجی ٹی وی چینل کی گاڑی پر ہونیوالی فائرنگ کی شدید الفاظ میں مذمت کرتے ہوئے کہا ہے کہ شدت پسندوں کی جانب سے کی جانیوالی یہ سفاکانہ کاروائی آزادی اظہار کا گلہ گھونٹنے کے مترادف ہے، انہوں نے شدت پسندوں کی فائرنگ سے نجی ٹی وی چینل کے ٹیکنیشن ، ڈرائیور اور ایک محافظ کی شہادت پر گہرے دکھ اور صدمے کا اظہار کرتے ہوئے نجی ٹی وی چینل کے ذمہ داران ،سٹاف اور شہداء کے لواحقین کے ساتھ دلی ہمدردی کا اظہا کیا ، انہوں نے مطالبہ کیا کہ سفاک قاتلوں کی فوری گرفتاری یقینی بنائی جائے اور انہیں قانوں کے کٹہرے میں کھڑا کیا جائے ، شہر قائد میں ٹی وی چینل کے سٹاف کے تین اراکین کی شہادت حکومت سندھ، سیکورٹی فورسز اور پولیس و انتظامیہ کی کارکردگی پر سوالیہ نشان ہے ۔شہر میں جاری رینجرز کے ٹارگٹڈپریشن کے باوجود عام شہری تو کجا ، اعلیٰ سرکاری افسران ، اور میڈیا کے افراد کی بھی زندگیاںمحفوظ نہیں ، شہر قائد کا ہر شخص عدم تحفظ کا شکار ہے ، انہوں نے میڈیا سے وابستہ افراد کواس نازک صورتحال میں جان ہتھیلی پر رکھ کر صحافتی خدمات سر انجام دینے پر خراج تحسین پیش کیا اور فائرنگ سے شہید ہونیوالے صحافیوںکے درجات کی بلنٔدی اور ان کے سوگوارخانوادگان کے لئے صبر جمیل کی دعا کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان انٹر لوپ ٹی ٹوئنٹی کرکٹ ٹورنا منٹ میں قصور ڈویژن کی طرف سے ارسلان اور تبریز کی شاندار کارگردگی
مصطفی آباد/للیانی(نامہ نگار)پاکستان انٹر لوپ ٹی ٹوئنٹی کرکٹ ٹورنا منٹ میں قصور ڈویژن کی طرف سے ارسلان اور تبریز کی شاندار کارگردگی۔ آل پاکستان انٹر لوپ ٹی ٹوئنٹی کرکٹ ٹورنامنٹ میں نواحی گائوں وڈانہ کے رہائشی ارسلان شیر نے 4میچوں میں 8کھلاڑیوں کو آئوٹ جبکہ فیصل آباد کے خلاف 25گیندوں پر40رنز کی نا قابل شکست اننگزکھیلی اور پشاور کے خلاف 20رنز دیکر3کھلاڑیوں کو بھی آئوٹ کیا۔ جبکہ تبریز احمد نے 4میچوں میں7کھلاڑیوں کو آئوٹ جبکہ فیصل آباد کے خلاف 70رنز کی نا قابل شکست اننگز کھیلی ۔ یاد رہے کہ قصور ڈویژن نے اپنے گروپ میں دوسری پوزیشن حاصل کی۔
ضلعی سطح تک تمام تنظیمیں غیرفعال جبکہ سرکاری اداروں میں مانیٹرنگ کمیٹیاں نہ ہونے کی وجہ سے کرپشن میں اضافہ: میاں یوسف
