fbpx

پاکستان میں کورونا سے مزید 41 افراد انتقال کر گئے

Pakistan, Corona

Pakistan, Corona

اسلام آباد (اصل میڈیا ڈیسک) ملک میں کورونا سے مزید 41 افراد انتقال کر گئے جب کہ مزید ایک ہزار سے زائد کیسز بھی رپورٹ ہوئے ہیں۔

پاکستان میں کورونا کے اعداد و شمار بتانے والی ویب سائٹ (covid.gov.pk) کے مطابق گزشتہ 24 گھنٹوں کے دوران ملک بھر میں کورونا کے 33978 ٹیسٹ کیے گئے جن میں سے 1050 افراد میں کورونا وائرس کی تصدیق ہوئی جب کہ وائرس سے 41 ہلاکتیں ہوئیں۔

سرکاری پورٹل کے مطابق ملک میں کورونا سے ہلاکتوں کی تعداد 12658 ہوگئی ہے اور مجموعی کیسز 5 لاکھ 73384 تک جاپہنچے ہیں جب کہ فعال کیسز کی تعداد 24483 ہے۔

اس کے علاوہ 24 گھنٹوں کے دوران ملک بھر میں 752 مریض کورونا سے صحتیاب بھی ہوئے ہیں جس کے بعد مجموعی طور پر صحتیاب ہونے والوں کی تعداد 536243 ہوگئی ہے۔

سرکاری پورٹل کے مطابق سندھ میں کورونا کے مریضوں کی مجموعی تعداد 256445 ہوگئی ہے جب کہ 4293 افراد اب تک انتقال کرچکے ہیں۔

پنجاب میں کورونا کے کل مریضوں کی تعداد 168348 ہے اور 5237 افراد وائرس میں مبتلا ہوکر جان سے جا چکے ہیں جب کہ بلوچستان میں مریضوں کی کل تعداد 18993 اور ہلاکتیں 199 ہوچکی ہیں۔

خیبرپختونخوا میں کورونا کے مریضوں کی تعداد 71146 اور 2043 ہلاکتیں ہوچکی ہیں جب کہ آزاد کشمیر میں 9878 افراد وائرس میں مبتلا ہوچکے ہیں اور 291 افراد انتقال کرگئے۔

اس کے علاوہ گلگت بلتستان میں اب تک کورونا کے مریضوں کی تعداد 4951 اور 102 افراد انتقال کر چکے ہیں۔

پورٹل کے مطابق وفاقی دارالحکومت اسلام آباد میں کورونا کے مریضوں کی مجموعی تعداد 43623 ہے اور اب تک 493 مریض انتقال کر چکے ہیں۔