پاکستان انٹرنیشنل جیمز اینڈ جیولری نمائش ستمبر میں ہوگی
Posted on August 29, 2013 By Geo Urdu اسلام آباد
اسلام آباد (پی پی سی) پاکستان جیمز اینڈ جیولری ڈویلپمنٹ کمپنی ستمبر میں پاکستان انٹرنیشنل جیمز اینڈ جیولری نمائش 2013 کا انعقاد کریگی کمپنی کے حکام کے مطابق اس نمائش میں پاکستان کے قیمتی پتھروں، موتی جوہرات کو نمائش کیلئے رکھا جائے گا، نمائش میں بیرونی ممالک سے جیمز اینڈ جیولری کے کاروباری افراد شرکت کریں گے۔
یہ نمائش اس شعبہ سے وابستہ مقامی کاروباری افراد کو بہترین کاروبار کے مواقع میسر آئیں گے، حکام کے مطابق نمائش کے دوران 2 روزہ ورکشاپ کا بھی انعقاد ہو گا جس سے مقامی جیولرز کو فائدہ ہو گا اور بین الاقوامی تاجروں کو پاکستان کے نایاب اور قیمتی پتھروں، موتیوں اور جوہرات کی اہمیت سے متعارف کرایا جا سکے گا۔
اس نمائش میں جیولرز، ڈیلرز، قیمتی پتھروں کے کاروباری افراد، مینو فیکچررز کو اپنی مصنوعات کی نمائش اور فروغ کا موقع ملے گا اور اس کے لئے استعمال ہونے والی مشینری ، آلات اور اوزار اور معاون مصنوعات کو بھی نمائش کیلئے رکھا جائے گا۔
