حکمرانوں کی بد اعمالیو ں کی سزا بجلی و گیس کی لوڈ شیڈنگ کی صورت میں آج پوری قوم بھگت رہی ہے، روحیل اکبر
Posted on March 3, 2013 By Noman Webmaster سٹی نیوز
تحریک تحفظ پاکستان کے مرکزی جوائنٹ سیکریٹری اطلاعات روحیل اکبرنے کہا کہ حکمرانوں کی بد اعمالیوں کی سزا ملک گیر سطح پر ہو نے والی بجلی و گیس کی لوڈ شیڈنگ سمیت دیگر بحرانوں کی صورت میں آج پوری قوم بھگت رہی ہے ،اور اس وقت ملک میں ہر طرف افراتفری ،بے روز گاری اور لاقانو نیت کا دور دورہ ہے۔
سرکاری سرپرستی میں بے روز گار نوجوانوں کو جرائم پیشہ بنایا جارہا ہے اپنے ایک بیان میں انہو ں نے کہا کہ کوئٹہ ،کراچی اور خیبر پختونخواہ میں دہشت گردی کے واقعات وطن عزیز کو تقسیم کر نے کی سازش کا حصہ ہیں ،اور اگر یہ سلسلہ اسی طرح جاری رہا ،تو اس کے منفی نتائج بر آمد ہوں گے۔
جس کی ذمہ داری موجودہ امریکہ نواز حکمرانوں پر عائد ہو گی جبکہ پاکستان پیپلز پارٹی کے شریک چیئر مین آصف علی زرداری جیسے جانبدار صدر مملکت کی موجودگی میں شفاف الیکشن ممکن نہیں۔
