ابوظہبی (اصل میڈیا ڈیسک) قومی کرکٹ ٹیم کے کپتان بابر اعظم نے ٹی ٹوئنٹی ورلڈکپ میں پے درپے فتح کو بھی نامکمل قرار دے دیا۔
ٹوئٹر پر بابر اعظم نے ٹیم کی دو تصاویر شیئر کیں اور کہا فخر کی بات ہے کہ پاکستان نے ٹی ٹوئنٹی ورلڈکپ کے سیمی فائنل میں جگہ بنالی ہے لیکن کام ابھی تک مکمل نہیں ہوا۔
بابر اعظم نے مزید لکھا کہ یہ سب زیادہ کوششوں، زیادہ توجہ، زیادہ ٹیم کارکردگی اور زیادہ عزم سے ہورہا ہے۔
قومی کپتان کا کہنا تھا کہ ہماری توجہ ایک وقت میں ایک کھیل پر ہے۔
خیال رہے کہ بابراعظم ایک بار پھر ٹی ٹوئنٹی میں دنیا کے نمبر ون بیٹسمین بن گئے ہیں۔
انٹرنیشنل کرکٹ کونسل (آئی سی سی) نے ٹی ٹوئنٹی انٹرنیشنل کی رینکنگ جاری کی ہے جس میں بابراعظم نے انگلینڈ کے ڈیوڈ ملان سے نمبر ون ہونے کا اعزاز چھین لیا ہے۔
یاد رہے کہ پاکستان نے گروپ میچز میں مسلسل چار فتوحات حاصل کر کے سیمی فائنل میں جگہ بنالی ہے۔
پاکستان نے نمیبیا کو شکست دیکر سیمی فائنل میں رسائی حاصل کرلی
بھارت نے افغانستان کو شکست دیدی
