اسلام آباد (جیوڈیسک) وزیراعظم نواز شریف نے کہا ہے کہ دہشت گردوں کو ان کے انجام تک پہنچا کر دم لیں گے اور دہشت گردی کے خلاف جنگ اپنے منطقی انجام کو پہنچے گی۔
اسلام آباد سے جاری بیان میں وزیر اعظم نے پشاور میں سیکیورٹی فورسز کے قافلے کے قریب دھماکے کی شدید مذمت کرتے ہوئے واقعے میں قیمتی انسانی جانوں کے ضیاع پر افسوس کا اظہار کیا، ان کا کہنا تھا۔
کہ دہشت گردی کی کارروائیوں سے قوم کا عزم کمزور نہیں کیا جاسکتا، پوری قوم دہشت گردی کے خلاف سیکیورٹی فورسز کے ساتھ کھڑی ہے، قوم دہشت گردوں کے عزائم ناکام بنا دے گی۔ دہشت گردوں کو کیفر کردار تک پہنچائیں گے۔
واضح رہے کہ آج صبح دہشتگردوں نے پشاور میں ایف سی کے اعلیٰ اہلکار بریگیڈیئر خالد جاوید کی گاڑی کو نشانہ بنانے کی کوشش کی تھی جس کے نتیجے میں ایک اہلکار سمیت 4 افراد جاں بحق ہوگئے ہیں۔
سپریم کورٹ نے سابق چیئرمین ای او بی آئی کی عدم گرفتاری کی درخواست خارج کر دی
سکھر اور گڈو بیراج میں پانی کی سطح میں مسلسل کمی
