مدینہ منورہ (جیوڈیسک) حرمین الشریفین میں بزرگ معتمرین کیلئے مفت کار سروس شروع، رضاکار ہمہ وقت معتمرین کی خدمت میں مصروف عمل ہیں۔ مدینہ سعودی عرب میں حرمین شریفین کے امور کے ذمہ دار ادارے نے مسجد حرام اور مسجد نبوی میں زائرین اور معتمرین کی نقل وحرکت آسان بنانے کے لیے مفت کار سروس شروع کی ہے۔ بیٹری سے چلنے والی یہ کاریں نہ صرف حجاج و معتمرین کو حرمین شریفین کے احاطوں میں آمد ورفت کی سہولت مہیا کرتی ہے۔
بلکہ رش میں راستہ گم کرنے والے زائرین کو ان کی منزل تک پہنچانے میں بھی مدد فراہم کرتی ہے۔ ایک عربی ویب سائٹ کے مطابق حرمین کار سروسز کے رضاکار ہمہ وقت اپنی کاریں لیے عمر رسیدہ زائرین کی تلاش اور راستہ بھٹک جانے والوں کو ان کے ساتھیوں سے ملانے میں مصروف رہتے ہیں۔
دونوں مقدس مقامات کی بیرونی گیلریوں میں بڑی تعداد میں کاریں کھڑی رہتی ہیں تاکہ راستہ بھولنے والے یا عمر رسیدہ مرد خواتین کی مدد کی جا سکے۔ ماہ صیام میں معتمرین کی تعداد میں اضافے کے باعث رضاکاروں کی مصروفیات اور مفت کاروں کا استعمال بھی بڑھ جاتا ہے۔
افغان جنگ، فوج اور طالبان کی لڑائی میں خواتین اور بچے سب سے زیادہ متاثر
کپواڑہ میں بھارتی فوج کا آپریشن، 6 کشمیری شہید
