امریکی مداخلت کے باعث ملک وقوم کو سنگین خطرات لاحق ہوچکے ہیں، روحیل اکبر
Posted on July 13, 2013 By Tahir Webmaster سٹی نیوز
تحریک تحفظ پاکستان کے مرکزی رہنماء روحیل اکبر نے کہا ہے کہ امریکی مداخلت کے باعث ملک وقوم کو سنگین خطرات لاحق ہو چکے ہیں کیونکہ امریکہ پاکستان کو غیر مستحکم کرنے کیلئے بھارت اور اسرائیل کے مابین گٹھ جوڑ کے سازشی ہتھکنڈوں میں مصروف ہے، اور موجودہ حکمرانوں کے رویہ اور عملی اقدامات سے یہ بات واضح ہو چکی ہے کہ وہ امریکی ڈکٹیشن کے بغیر ایک قدم بھی چلنے کیلئے تیار نہیں ہیں۔
اپنے ایک بیان میں انہوں نے کہا کہ تحریک تحفظ پاکستان محسن پاکستان ڈاکٹر عبدالقدیر کی سربراہی میں ملک وقوم کو امریکی غلامی سے نجات دلانے کی خاطر جدوجہد کر رہی ہے کیونکہ ہم سمجھتے ہیں کہ امریکی غلامی سے مکمل آزادی حاصل کئے بغیر ملک وقوم کی حقیقی ترقی اور استحکام کا خواب ہر گز شرمندہ تعبیر نہیں ہو سکتا، اور ہماری جدوجہد بدستور جاری رہے گی۔
