لاہور(جیو ڈیسک) لاہور سابق وزیر اعظم سید یوسف رضا گیلانی نے گورنر پنجاب مخدوم احمد محمود سے ملاقات کی ، یوسف رضا گیلانی کا کہنا ہے کہ آئین اور قانون کے مطابق صاف شفاف انتخابات کرائے جائیں گے۔
گورنر ہاوس لاہور میں ہونے والی ملاقات میں دونوں رہنماوں نے ملکی سیاسی صورتحال اور پنجاب کے امور پر تبادلہ خیال کیا ۔ ملاقات میں سید یوسف رضا گیلانی کا کہنا تھا کہ جمہوری حکومت اپنے پانچ سال پورے کرنے جا رہی ہے۔
جمہوریت کے خلاف سازش کو برداشت نہیں کیا جائے گا ۔ اس موقع پر گورنر پنجاب مخدو م احمد محمود نے کہا کہ سیاسی قوتوں نے بالغ نظری کا مظاہرہ کر کے جمہوریت کو مستحکم کیا ہے ۔ اب بھی سیاسی جماعتوں کو اپنی تمام صلاحیتوں کو عوامی مسائل حل کرنے کے لئے بروئے کار لانا چاہیے۔
الیکشن ملتوی کئے بغیر بھی اصلاحات ہو سکتی ہیں، صاحبزادہ فضل کریم
لاہور ، شاہدرہ میں مبینہ پولیس مقابلہ، ایک ڈاکو ہلاک، 4 ساتھی فرار
