سیاسی قائدین نیعام انتخابات سے قبل بلدیاتی انتخابات کے صدارتی اعلان پرملے جلے رد عمل کا اظہار کیا ہے، حکومتی قیادت کے نزدیک بلدیاتی انتخابات صوبوں کی ذمہ داری ہے، اپوزیشن ارکان کہتے ہیں حکومت عام انتخابات سے فرارچاہتی ہے۔ پیپلزپارٹی کے سینیٹراعتزاز احسن کا کہنا ہے کہ عام انتخابات مقررہ وقت پرہی ہوں گے، بلدیاتی انتخابات کرانا صوبوں کا کام ہے۔ مسلم لیگ (ن) کے ظفرعلی شاہ کا موقف ہے کہ بلدیاتی انتخابات کا سرے سے وقت ہی نہیں بچا ، صدارتی اعلان عام انتخابات سے فرارکی کوشش ہے۔
اے این پی کے الیاس بلورکے خیال میں صدرآصف زرداری کا بلدیاتی انتخابات سے متعلق بیان صرف سندھ کی حد تک ہے۔ ایم کیوایم کے طاہرمشہدی کی نظرمیں بلدیاتی انتخابات سے عوامی مسائل حل ہوں الیکشن میں تاخیر نہیں ہوگی۔ سیاستدانوں کا کہنا ہے کہ وہ انتخابات کیلئے ہر وقت تیار ہیں چاہے وہ بلدیاتی ہوں یا عام انتخابات۔
بلوچستان کیس : اٹارنی جنرل کی عدم موجودگی پر سپریم کورٹ برہم
کراچی ، کو جرائم سے نجات دلانے کی کوشش کر رہے ہیں : فاروق ستار
