محکمہ پبلک ہیلتھ انجینئرننگ گجرات نے لالہ موسیٰ کی ایک بار پھر اکھاڑ بچھاڑ کا ٹھیکہ دیدیا
Posted on January 7, 2013 By Geo Urdu گجرات
لالہ موسیٰ (جی پی آئی) محکمہ پبلک ہیلتھ انجینئرننگ گجرات نے لالہ موسیٰ کی ایک بار پھر اکھاڑ بچھاڑ کا ٹھیکہ دیدیا ، 16کروڑ کی سیوریج اسکیم راستے میں جبکہ لاکھوں روپے کی گلیوں نالیوں کو ایک بار پھر بنانے کے ٹینڈر ہو گئے ، کیمپنگ گرائونڈ سیوریج کے بااثر سیاسی ٹھیکیدار نے محکمے کی بات ماننے سے صاف انکار کر دیا ، تعمیر کرنے کیلئے کھو دی گئیں۔
سڑکوں سے عوام تنگ جبکہ سیوریج لائن بچھانے کے لیے ناقص پائپ جی ٹی روڈ پر ٹوٹ پھوٹ کا شکار ہو گئے ، ایکسین پبلک ہیلتھ گجرات نے رابطہ کرنے پر کال وصول نہ کرنے کا وطیرہ بنا لیا ، ناقص ترین سیوریج پائپ محکمے کی شاندار کارکردگی کا منہ بولتا ثبوت ہیں ، فنڈز کی عدم دستیابی کا بہانہ بنا کر سیوریج اسکیم روک دی گئی ، جبکہ سیاسی قائدین کو نوازنے کے لئے محکمہ پبلک ہیلتھ نے گلیوں ، نالیوں کی تعمیر کے نام پر ایک بار پھر ٹینڈر لگا دئیے ہیں ، ذرائع کے مطابق محکمہ پبلک ہیلتھ گجرات کے افسران پہلے ہی محکمہ انٹی کرپشن گجرات میں بوگس سکیموں کی انکوائریاں بھگت رہے ہیں۔
