مقبوضہ کشمیر میں بھارتی فوج کی ریاستی دہشتگردی، مزید 2 کشمیری شہید

Indian Army

سری نگر (جیوڈیسک) مقبوضہ کشمیر میں قابض بھارتی فوج کی ریاستی دہشت گردی کا سلسلہ جاری ہے اور مزید 2 کشمیریوں کو شہید کر دیا۔

کشمیری میڈیا کے مطابق قابض بھارتی فوج نے ضلع شوپیاں کے علاقے ہند سیتا پورہ کا محاصرہ کیا اور گھر گھر تلاشی لی۔

قابض فوج نے آپریشن کے نام پر فائرنگ کر کے 2 نوجوانوں کو شہید کر دیا۔

کشمیر میڈیا سروس کے مطابق گزشتہ ماہ بھارتی فوج نے 13 افراد کو شہید کیا، 182 افراد کو گرفتار اور 132 کو حراست کے دوران تشدد کا نشانہ بنایا۔

Nasir Mehmood - Chief Editor at GeoURDU.com